ఒక వ్యక్తికి మధుమేహ వ్యాధి (చక్కెర) ఉందో లేదో తెలుసుకునేందుకు నడుం చుట్టుకొలతతో గ్రహించవచ్చని బ్రిటన్‌కు చెందిన ఆరోగ్య విభాగ అనుబంధ సంస్థ పబ్లిక్ హెల్త్ ఇంగ్లండ్ వెల్లడించింది. సాధారణ వ్యక్తుల కంటే కూడా నడుం చుట్టూ ఎక్కువ కొవ్వు కలిగి ఉన్న వ్యక్తులే ఐదు రెట్లు అధికంగా టైప్ 2 డయాబెటిస్ వ్యాధి బారిన పడతారని తెలిపింది.
పురుషుల్లో నడుం చుట్టుకొలత 40 అంగుళాల కంటే ఎక్కువ ఉన్నవారు టైప్ 2 మధుమేహం బారిన పడే అవకాశం అధికమని, మహిళల్లో నడుం చుట్టుకొలత 34.6 అంగుళాలు దాటితే ప్రమాద ఘంటికలు మోగినట్టేనంటున్నారు. ప్రస్తుతం టైప్ 2 డయాబెటిస్ బాధితుల్లో 90 శాతం మంది అధిక బరువు సమస్యను ఎదుర్కొంటున్నవారే. ఈ ముప్పు తప్పించుకోవడానికి బరువు తగ్గడం ఒకటే మార్గమని, అయితే, ఆరోగ్యకరమైన రీతిలోనే డైటింగ్ చేయాల్సి ఉంటుందని పరిశోధకులు తెలిపారు.