ఫిఫా వరల్డ్ కప్ : నేడు తొలి సెమీ ఫైనల్ - ఫ్రాన్స్ వర్సెస్ బెల్జియం
రష్యా వేదికగా జరుగుతున్న ఫిఫా వరల్డ్ కప్ పోటీలు చివరి అంకానికి చేరుకున్నాయి. ఇందులోభాగంగా, మంగళవారం తొలి సెమీ ఫైనల్ మ్యాచ్ జరుగనుంది. ఈ పోటీలో ఫ్రాన్స్ - బెల్జియం జట్లు నువ్వానేనా అని తలపడనున్నాయి. అం
రష్యా వేదికగా జరుగుతున్న ఫిఫా వరల్డ్ కప్ పోటీలు చివరి అంకానికి చేరుకున్నాయి. ఇందులోభాగంగా, మంగళవారం తొలి సెమీ ఫైనల్ మ్యాచ్ జరుగనుంది. ఈ పోటీలో ఫ్రాన్స్ - బెల్జియం జట్లు నువ్వానేనా అని తలపడనున్నాయి. అంటే ఫైనల్ కానీ ఫైనల్లా సాగనున్న ఈ మ్యాచ్పై సర్వత్రా ఆసక్తి నెలకొంది. ఇరు జట్లలోనూ స్టార్ ఆటగాళ్లు నిండి ఉండడంతో ఈ మ్యాచ్లో హోరాహోరీ పోరాటం తప్పదని, అంతేకాదు ప్రమాదకరమైన అటాకర్లతో నిండి ఉండడంతో గోల్స్ వర్షం కురుస్తుందనే అంచనాలతో ఈమ్యాచ్పై మరింత హైప్ నెలకొంది.
బెల్జియం జట్టు గత 23 మ్యాచ్లలో పరాజయమన్నదే ఎరుగదు.. ఫిపా ప్రపంచకప్లోనూ అదే ఫాం. వరుస విజయాలు నమోదు చేస్తూ బెల్జియం జట్టు సెమీస్ చేరింది. గ్రూప్దశలో మూడు విజయాలు.. నాకౌట్ పోరులో 2-0తో వెనుకబడినా జపాన్పై విజయం సాధించడంతోపాటు క్వార్టర్ఫైనల్లో బ్రెజిల్పై చిరస్మరణీయ విజయంతో సంచలనం సృష్టించింది. దీంతో ప్రపంచకప్ హాట్ఫేవరెట్ ముద్రతో సెమీస్లో మాజీ చాంపియన్ ఫ్రాన్స్ను ఢీకొట్టేందుకు సిద్ధమైంది.
మరోవైపు జపాన్తో జరిగిన మ్యాచ్లో బెల్జియం డిఫెన్స్ బలహీనతలు బయటపడగా.. ఉరుగ్వేతో మ్యాచ్లో సెమీస్ ప్రత్యర్థి ఫ్రాన్స్ బలం తెలిసింది. రెండుజట్లూ సమవుజ్జీలుగా కనిపిస్తున్నా బెల్జియం జట్టు డిఫెండర్లు.. ఫ్రాన్స్ అటాకర్లను నిలువరించడంపైనే విజయం ఆధారపడి ఉంది.