న్యూట్రీషన్ విలువలు గొప్పగా ఉండే మష్రుమ్.. కోడిగుడ్డుతో ఈ వీకెండ్ ఫ్రైడ్ రైస్ ట్రై చేద్దాం.. మష్రూమ్, ఎగ్స్ తీసుకోవడం ద్వారా డయాబెటిస్, ఎముకల సంబంధిత రోగాలను దూరం చేయడం లాంటి ఆరోగ్య ప్రయోజనాలను పొందవచ్చు. అలాగే మష్రుమ్.. ఎగ్ ఫ్రైడ్ రైస్ టేస్టీగా ఉండటం ద్వారా పిల్లలు, పెద్దలు ఇష్టపడి తింటారు.
కావలసిన పదార్థాలు:
మష్రూమ్స్ : ఒక కప్పు
అన్నం: రెండు కప్పులు
తరిగిన ఉల్లిపాయలు: ఒక కప్పు
టమేటో తరుగు : అరకప్పు
గుడ్లు : రెండు
కొత్తిమీర తరుగు: అర కప్పు
కారం: ఒక టీ స్పూన్
నిమ్మరసం: ఒక టీ స్పూన్
ఉప్పు: రుచికి తగినంత
నూనె: తగినంత
అల్లం వెల్లుల్లి పేస్టు: రెండు టీ స్పూన్లు
తయారీ విధానం :
ముందుగా పాన్‌లో నూనె వేసి వేడయ్యాక అందులో ఉల్లి, పచ్చిమిర్చి తరుగు, అల్లం వెల్లుల్లి పేస్ట్ వేసి దోరగా వేపుకోవాలి. తర్వాత మష్రూమ్స్ ముక్కల్ని చేర్చి బ్రౌన్ కలర్ అయ్యేంత వరకు వేగనివ్వాలి. అందులోనే కారం, జీరా, ధనియా పొడులు, చాట్ మసాల, కొత్తిమీర, ఉప్పు రెండు మూడు నిముషాలు ఫ్రై చేసుకోవాలి.
తర్వాత గుడ్డు సొన వేయాలి. గుడ్డు పొడిపొడిగా అయ్యాక అన్నం బాగా మిక్స్ చేయాలి. చివరిగా నిమ్మరసం చిలకరించి మరోసారి మిక్స్ చేస్తే మష్రుమ్ ఎగ్ ఫ్రైడ్ రైస్ రెడీ. ఈ రైస్‌ను వేడి వేడిగా మీకు నచ్చిన సాస్ లేదా కడాయ్ చికెన్.. పనీర్ బటర్ మసాలాతో సర్వ్ చేస్తే చాలా టేస్టీగా ఉంటుంది.