బరువు తగ్గాలా అయితే లో కేలరీ ఫుడ్ బనానా క్రీమ్ తీసుకోండని ఆరోగ్య నిపుణులు సలహా ఇస్తున్నారు. స్ట్రాబెర్రీ సీజన్లో స్వీట్ అండ్ జ్యూసీ అయిన ఈ రిసిపీని తీసుకుంటే బరువు తగ్గవచ్చునని ఇందులో కెలోరీలు తక్కువగా ఉంటాయంటున్నారు. ఇందులో విటమిన్ సీ ఉంటుంది. ఈ రిసిపీకి బాదం, బ్లూ బెర్రీస్, డ్రై చెర్రీస్, చాక్లెట్ చిప్స్ కూడా వాడొచ్చు.
కావలసిన పదార్థాలు:
స్మాల్ బనానా : ఒకటి
పెరుగు : అరకప్పు
వెనెల్లా ఎసెన్స్: అర టీ స్పూన్
స్ట్రాబెర్రీ పండ్లు : 10
బాదం తరుగు : ఒక కప్పు
తయారీ విధానం :
ముందుగా ఒక బౌల్‌లో పెరుగు బాగా గిలకొట్టుకోవాలి. స్ట్రాబెర్రీ పండ్ల పై కొప్పుల్ని కట్ చేసి.. బనానా క్రీమ్ ఒదిగేలా కట్ చేసుకుని పెట్టుకోవాలి. ఆ తర్వాత పెరుగు, వెనెల్లా, బాదం తరుగు కలిపిన మిశ్రమాన్ని (ఈ మిక్స్‌లో బ్లూ బెర్రీస్, డ్రై చెర్రీస్, చాక్లెట్ చిప్స్ చేర్చుకోవచ్చు) స్ట్రాబెర్రీ పండ్లపై ఉంచి సర్వ్ చేస్తే.. టేస్టీగా ఉంటుంది.