టీనేజర్లలో శక్తి లభించాలంటే.. వెజిటబుల్ పాస్తాను తీసుకోవచ్చు. టీనేజర్లు సరైన సమయంలో ఆహారం తీసుకోకపోతే.. వారిలో పోషకాహార లోపం ఏర్పడుతుంది. తద్వారా శరీరానికి అందాల్సిన ఐరన్, క్యాల్షియం తగ్గే అవకాశం ఉంది. అందుచేత టీనేజర్లు బలంగా ఉండాలంటే.. వారికి ఐరన్ లభించాలంటే.. వెజిటబుల్ పాస్తాను ట్రై చేయండి అంటున్నారు... న్యూట్రీషన్లు.
కావలసిన పదార్థాలు :
ఆలివ్ నూనె: 2 టేబుల్ స్పూన్లు
ఉల్లిపాయ తరుగు : అర కప్పు
వెల్లుల్లి, లవంగాల పేస్ట్ : ఒక టీ స్పూన్
జీలకర్ర పేస్ట్ : రెండు టేబుల్ స్పూన్లు
టమోటా పేస్ట్: ఒక టేబుల్ స్పూన్
టమోటా తరుగు : రెండు కప్పులు
స్పాగెట్టీ: మూడు కప్పులు
క్యారట్ తరుగు : అర కప్పు
ఫెటా తరుగు: ఒక కప్పు
ఆకుకూర కాడల తరుగు : అర కప్పు
తయారీ విధానం :
పొయ్యి మీద పాన్ పెట్టి మీడియం మంటపై ఆలివ్ నూనె వేసి వేడి చేయాలి. దానిలో ఉల్లిపాయ, క్యారట్, ఆకుకూరల కాడలు వేసి కలుపుతూ తక్కువ వేడిలో మెత్తగా అయ్యేవరకు 5 నిముషాలు ఉంచాలి. తర్వాత వెల్లుల్లి లవంగాల పేస్ట్, జీలకర్ర, టమోటా పేస్ట్, టమోటా ముక్కలు అర కప్పు నీరు చేర్చి.. కొంచెం మరిగాక ఉప్పు, మిరియాలు వేయాలి. ఐదు నిమిషాల పాటు ఉడికించాలి.
అదే సమయంలో ప్యాకెట్ సూచనల ప్రకారం మరిగే ఉప్పునీటిలో స్పాగెట్టీ‌ని ఉడికించాలి. వార్చిన స్పాగెట్టీ‌ని సాస్‌కు జోడించండి. ఒక సర్వింగ్ బౌల్ తీసుకొని తయారు చేసుకున్న పాస్తా విత్ కాయధాన్యాల సాస్‌కు ఫెటాను జోడించి వేడి వేడిగా సర్వ్ చేయండి.