వంకాయతో బజ్జీలా.. ఎలా చేయాలో చూద్దాం..?

కావలసిన పదార్థాలు:

పొడవు వంకాయలు - 5 

ఉప్పు - సరిపడా

కారం - సరిపడా

శెనగపిండి - 5 స్పూన్స్

వంటసోడా - అరస్పూన్

గరంమసాలా - 1 స్పూన్

జీలకర్ర పొడి - 1 స్పూన్

ధనియాల పొడి - 1 స్పూన్

నూనె - తగినంత

బియ్యం పిండి - 2 స్పూన్స్

తయారీ విధానం:

ముందుగా వంకాయలను మధ్యగా కట్ చేసుకోవాలి. ఇప్పుడు ఒక బౌల్‌లో స్పూన్ ఉప్పు, కారం, గరంమసాలా, ధనియాల పొడి, జీలకర్ర పొడి వేసి బాగా కలుపుకుని కట్ చేసుకున్న వంకాయలను ఈ మిశ్రమాన్ని మధ్యలో రాయాలి. ఆ తరువాత మరో బౌల్‌లో శెనగపిండి, బియ్యం పిండి, ఉప్పు, కారం, వంటసోడా వేసి, నీరు పోసి బజ్జీ పిండిలా కలుపుకోవాలి. ఇప్పుడు బాణలిలో నూనె పోసి వేడయ్యాక ఈ బజ్జీ మిశ్రమంలో వంకాయలను డిప్ చేసి నూనెలో వేయించుకోవాలి. అంతే... వంకాయ బజ్జీలు రెడీ.