వయస్సు దాపరికానికి శ్రియ పాట్లు!!

టాలీవుడ్ అందాల నటి శ్రియ తన వయస్సును దాచి పెట్టేందుకు పడరాని పాట్లు పడుతోంది. ఇందుకోసం మద్యం బాబులను తనకు ఉదారహణగా తీసుకుంటున్నారు. మన దేశంలో పద్దెనిమిదేళ్లకే ఓటు హక్కు ఉందన్నారు. అయితే, మద్యం సేవించేందుకు మాత్రం 25 సంవత్సరాలు ఉండాలని నిబంధన ఇవ్వడం సబబుగా లేదన్నారు. 

ఇంతకూ ఇలాంటి వివాదాస్పద వాఖ్యలు ఎందుకు చేసిందా అంటే ఏదో మిషతో మీడియాలో తన పేరు ఉండాలన్న అమ్మడి ప్లానేనట. ఈ విషయమై ఆమెనే అడిగితే - అదేం కాదు. ఇరవై ఐదేళ్లు దాటిన వాళ్లకే మద్యం అమ్ముతారంటే నాకు కూడా అసూయగానే ఉంది. ఎందుకంటే - నాకు అమ్మరు అన్న దానికి అసూయగా ఉంది అంటూ సన్నాయి నొక్కులు నొక్కింది.

అంటే ఈ లెక్కన ఇరవై ఐదేళ్లు ఇంకా దాటలేదని శ్రియ చెపుతోంది. అయితే, ఈ ముద్దుగుమ్మ చిత్ర పరిశ్రమకు వచ్చి 12 యేళ్లు అయినప్పటికీ.. శ్రీయకు ఇంకా ఇరవై ఐదేళ్లు దాటలేదంటే ఎవరు నమ్ముతారు?.

వయస్సు దాచుకున్నా అది ఎదుటివాళ్లు గుర్తు పట్టని విధంగా మార్చుకోవాలి కానీ ఇలాంటి చీఫ్ స్టేట్‌మెంట్‌లతో కాదు కదా అంటున్నారు మీడియా. మొత్తానికి తన వయస్సు దాచుకోటానికి శ్రీయ పడరాని పాట్లు పడుతోందన్నమాట.