రీమాసేన్ గుర్తుందా..? చిత్రం.. మనసంతా నువ్వే... బావ నచ్చాడు చిత్రాల్లో చిట్టిపొట్టి దుస్తులేసి కవ్వించిన తార. టాలీవుడ్‌లో అమ్మడికి లక్ కలిసి రాకపోవడంతో తమిళ, హిందీ పరిశ్రమలలో సెటిలైంది.
హిందీ చిత్రాల్లో సెకండ్ హీరోయిన్ పాత్రలు పోషిస్తూ ఏదో నెట్టుకొస్తోంది. తన ఈడు హీరోయిన్లంతా పెళ్లి చేసుకుని తల్లులవుతుంటే ఈమె మాత్రం ఒంటరిగానే కాలక్షేపం చేస్తోంది.
ఒంటరిగా ఉన్న యువతి ఏ పురుషుడితోనైనా కాస్తంత చనువుగా మాట్లాడితే లింకు పెట్టేయడం మామూలేగా. అలాగే ఈమధ్య రీమాసేన్ శివ్ కపూర్‌తో కలిసి తిరుగుతుండటాన్ని చూసిన సినీజనం అదే విషయాన్ని పత్రికల్లోనూ రాశేశారు.
దీంతో చిర్రెత్తిన రీమా ఆ వార్త రాసిన పత్రికలపై చిందులేసింది. అలాంటి వెకిలి వార్తలు తన ఎదుగుదలను ఏమీ చేయలేవని రుసరుసలాడింది. నిజం మాట్లాడితే ఎవరికైనా నిష్టూరంగా ఉంటద్ది మరీ.