ఇండస్ట్రీలో లుకలుకలున్నాయో లేదో ఇప్పుడు తెలుస్తుంది

ఇండస్ట్రీ అంతా ఒకే కుటుంబం. అంతా ఒక్కటే. ఇక్కడ ఎటువంటి ఇగోలు లేవు. అన్నదమ్ముల్లా కలిసి మెలిసి ఉంటాం... అనేది నిజమైతే తోటి ఆర్టిస్టుగా.. బాలయ్యబాబు నటించిన 'పరమవీరచక్ర' చూసి బొకేలతో గ్రీటింగ్‌ చెప్పాలని డ ా|| దాసరి నారాయణ అన్నారు. ఈ దెబ్బతో వాళ్ళలో ఒక గుబులు రేగుతుందని చెప్పుకొచ్చారు.

' పరమవీరచక్ర' సినిమా విడుదలై 2వరోజు అయిన సందర్భంగా దాసరి మాట్లాడారు. ఆర్టిస్టుగా బాలయ్యబాబును మెచ్చుకోవాలి. అందులో ఏమాత్రం సందేహం లేదు. అసలు అందరూ హీరోలు తోటిహీరోల చిత్రాలను చూడాలని సూచించారు.

మళ్లీ చెపుతున్నా బాలయ్యకు అవార్డు గ్యారంటీ
బాలయ్యబాబుకు ఖచ్చితంగా జాతీయ అవార్డు వస్తుందనేందుకు ఏమాత్రం సంకోచించడం లేదని దాసరి అన్నారు. ఇటీవలే ఓ ఫంక్షన్‌లో ఆయన అన్నమాటలను గురించి విలేకరులు అడుగగా...అవును. తప్పకుండా వస్తుంది. హీరోగా ఆయన చేసిన రావణబ్రహ్మ, కొమరంభీమ్‌ పాత్రలు అద్భుతంగా చేశాడు. మేజర్‌ జయసింహ పాత్రలో జీవించాడు. ఆ పాత్రను చూస్తుంటే ఎన్‌.టి.ఆర్‌. గుర్తుకువచ్చారు అని చెప్పారు.