చెప్పులో రూ. 100 కోట్లు, షాకవుతున్నారా? చెన్నైలో పట్టేసారు...

డబ్బు సంపాదన కోసం అడ్డదార్లు తొక్కేవాళ్లు అడ్డంగా దొరికిపోతుంటారు. తాజాగా ఇలాంటి ఘటనే జరిగింది. దేశంలోకి మాదకద్రవ్యాలను స్మగ్లింగ్ చేస్తూ అడ్డంగా దొరికిపోయాడు ఓ వ్యక్తి. ఐతే అతడు డ్రగ్స్‌ను తీసుకువచ్చిన వైనం చూసి అంతా షాక్ తిన్నారు.

ఎప్పటిలానే తనిఖీల్లో భాగంగా కస్టమ్స్ అధికారులు చెన్నై అంతర్జాతీయ విమానాశ్రయంలో దిగిన ప్రయాణికుల లగేజీలను క్షుణ్ణంగా పరిశీలిస్తున్నారు. ఇంతలో ఓ వ్యక్తి చాలా సాధారణమైన బ్యాగుతో, చాలా తక్కువరకం చెప్పులతో విమానం దిగి చకాచకా వెళ్తున్నాడు. అతడి వాలకం చూసిన అధికారులు ఆపేశారు.