పెళ్లికాకుండానే గర్భందాల్చిన యువతి.. నిప్పంటించిన తల్లి - సోదరుడు

ఉత్తరప్రదేశ్ రాష్ట్రంలో ఓ దారుణ ఘటన జరిగింది. 21 యేళ్ల ఓ యువతి పెళ్లి కాకుండానే గర్భందాల్చింది. ఈ విషయం తెలుసుకున్న ఆ యువతి కుటుంబ సభ్యులు జీర్ణించుకోలేక పోయారు. తమ పరువు పోయిందని భావించిన తల్లి, సోదరుడు ఆగ్రహంతో ఊగిపోయారు. కడుపులో పెరుగుతున్న బిడ్డకు తండ్రి ఎవరని నిలదీశారు. ఆ తర్వాత ఆ యువతిని అటవీ ప్రాంతానికి తీసుకెళ్లి నిప్పంటించి చంపేశారు.

తాజాగా వెలుగులోకి వచ్చిన ఈ వివరాలను పరిశీలిస్తే, యూపీలో హాపూర్‌కు చెందిన ఓ యువతి వివాహం కాకుండానే గర్భందాల్చింది. ఈ విషయం తెలుసుకున్న తల్లి, సోదరుడు ఆగ్రహంతో ఊగిపోయారు. బిడ్డకు తండ్రి ఎవరని నిలదీసినా ఆ యువతి ఎలాంటి సమాధానం ఇవ్వలేదు. ఈ క్రమంలో ఆ యువతిని ఊరికి సమీపంలో ఉన్న అటవీ ప్రాంతానికి తీసుకెళ్లి నిప్పంటించారు. 

ఈ ఘటనను కొందరు రైతులు గమనించి, ఆ యువతిని రక్షించే క్రమంలో సమీపంలోని ఆస్పత్రికి తరలించారు. ఆమె పరిస్థితి విషమంగా ఉండటంతో మీరట్‌ ఆస్పత్రికి తరలించాలని వైద్యులు సూచించారు. ప్రస్తుతం ఆ యువతి పరిస్థితి విషమంగా ఉంది. కేసు నమోదు చేసుకున్న పోలీసులు.. కేసు నమోదు చేసి తల్లి, సోదరుడిని అరెస్టు చేశారు.