హైదరాబాద్ దారుణం : భార్య ఉరి వేసుకుంటే ఆపకుండా వీడియోను తీసిన భర్త...

హైదరాబాద్ దారుణం జరిగింది. భార్య ఉరివేసుకుంటే ఆపాల్సిన భర్త.. వీడియో తీశాడు. తాగుడు అలవాటు మానుకోకుంటే చనిపోతానని భార్య బెదిరించి, మెడకు ఉరితాడు బిగించుకుని, ఉరేసుకుని ప్రయత్నించింది. దీన్ని ఆపాల్సిన భర్త వీడియో తీస్తూ ఉండిపోయాడు. మద్యం మత్తులో భర్త ఈ దారుణానికి పాల్పడింది. దీంతో భర్త కళ్ల ముందే తనువు చాలించింది. కళ్ల ముందే చనిపోవడం, తండ్రి జైలుకెళ్ళడంతో పిల్లలు అనాథలుగా మారారు. తాజాగా వెలుగులోకి వచ్చిన ఈ వివరాలను పరిశీలిస్తే, 

నగరంలోని మురాద్ నగర్ సయ్యద్ అలీగూడలో రసూల్, ఆర్షియా బేగం దంపతులు నిరాసం ఉంటున్నారు. ఐదేళ్ళ క్రితం వీరికి వివాహం జరిగింది. ఇద్దరు పిల్లలు కూడా ఉన్నారు. రసూల్‌కు అప్పటికే వివాహం అయినప్పటికీ విషయం దాచి ఆర్షియాను పెళ్లి చేసుకోన్నాడు. ఈ మోసానికి తోడు నిత్యం తాగుతూ గొడవపడుతుండటంతో ఆర్షియా విసిగిపోయింది. 

తాగుడు మానేయాలంటూ ఆర్షియా తరచూ భర్తను పోరేది. ఈ విషయంపై భార్యాభర్తల మధ్య నిత్యం గొడవలు జరుగుతూనే ఉన్నాయని స్థానికులు చెప్పారు. ఈ క్రమంలో సోమవారం రాత్రి కూడా రసూల్, ఆర్షియా గొడవపడ్డారు. భర్తీ తీరుతో విసిగిపోయిన ఆర్షియా, మద్యం మానేయకుంటే ఉరి వేసుకుంటానని బెదిరించింది. ఇలాగైనా భర్త తాగుడు మానేస్తాడని ఆశపడింది. అయితే, అప్పటికీ మద్యం మత్తులో ఉన్న రసూల్‌ భార్య మాటలను లెక్క చేయలేదు. పైపెచ్చు.. రెచ్చగొట్టినట్టు మాట్లాడుతుండటంతో ఆర్షియా విరక్తి చెందింది.

భర్త కళ్ల ముందే ఫ్యాన్‌కు చున్నీ బిగించి మెడకు తలిగించుకుంది. అయినా రసూల్ ఆపకపోగా తన ఫోనులో ఇదంతా రికార్డు చేశాడు. దీంతో భర్త కళ్ళెదురుగానే గిలగిలా కొట్టుకుంటూ ఆర్షియా ప్రాణాలు విడిచాడు. ఆర్షియా తనను బెదిరించడానికే చేస్తోందని వీడియో తీశానని, నిజంగా చనిపోతుందని అనుకోలేదంటూ రసూలు పోలీసులు ముందు వాపోయాడు. అయితే, ఆర్షియా ఆత్మహత్యకు పాల్పడుతున్నా ఆపన్నందుకు రసూల్‌ను పోలీసులు అరెస్టు చేశారు. ఆత్మహత్య ప్రేరేపించడం నేరమేనని తేల్చి చెప్పారు.