ఎంత జాగ్రత్తగా కాచుకున్నా అశ్విన్ దెబ్బ కొడుతున్నాడే... గింజుకుంటున్న వార్నర్
అశ్విన్ బంతులు ఇబ్బంది అయినప్పటికీ వాటిని ఆడటం మాత్రం తాను ఆపనని చెప్పాడు. తనను తొమ్మిది సార్లు ఔట్ చేసిన అతనికి క్రిడిట్ దక్కుతుందని చెప్పాడు. తాను మైండ్‌లో ఒక షాట్ ఆడదామని భావించినప్పుడు అశ్విన్ నుంచి వేరే బంతి వస్తుందనే విషయం తనకు తెలుసని చెప్పాడు
భారత్, ఆస్ట్రేలియా మధ్య రెండు టెస్టులు ముగిసిన తర్వాత ఇరు జట్లు 1-1 తేడాతో సమంగా ఉన్నాయి. ఈ సిరీస్‌లో ఇప్పటి వరకూ ఆసిస్ ఓపెనర్ డేవిడ్ వార్నర్ నాలుగు సార్లు ఔట్ కాగా అందులో అశ్విన్ చేతిలో మూడు సార్లు ఔటయ్యాడు. అయితే మొత్తంగా తొమ్మిది సార్లు అశ్విన్‌కు చిక్కాడు.
అయితే 16 నుంచి రాంచిలో మూడో టెస్ట్ మొదలు కానున్న నేపథ్యంలో ఆసిస్ మీడియాతో మాట్లాడిన వార్నర్ అశ్విన్‌పై కామెంట్ చేశాడు. అశ్విన్ బంతులు ఇబ్బంది అయినప్పటికీ వాటిని ఆడటం మాత్రం తాను ఆపనని చెప్పాడు. తనను తొమ్మిది సార్లు ఔట్ చేసిన అతనికి క్రిడిట్ దక్కుతుందని చెప్పాడు. తాను మైండ్‌లో ఒక షాట్ ఆడదామని భావించినప్పుడు అశ్విన్ నుంచి వేరే బంతి వస్తుందనే విషయం తనకు తెలుసని చెప్పాడు. అతనొక అద్భుతమైన బౌలర్ అని, అతను ఇప్పటికే చాలా వికెట్లు తీశాడని చెప్పాడు.