మహిళల వరల్డ్ కప్ : టాస్ గెలిచి బ్యాటింగ్ ఎంచుకున్న ఇంగ్లండ్
మహిళల వరల్డ్ కప్ టోర్నీలో భాగంగా లార్డ్స్ వేదికగా ఫైనల్ పోరు ఆదివారం ఆరంభమైంది. ఈ మ్యాచ్లో టాస్ గెలిచిన ఇంగ్లాండ్ జట్టు బ్యాటింగ్ ఎంచుకుంది. రెండు జట్ల మధ్య పోరు హోరాహోరీగా ఉంటుందని మొదటి నుంచీ అంచనా
మహిళల వరల్డ్ కప్ టోర్నీలో భాగంగా లార్డ్స్ వేదికగా ఫైనల్ పోరు ఆదివారం ఆరంభమైంది. ఈ మ్యాచ్లో టాస్ గెలిచిన ఇంగ్లండ్ జట్టు బ్యాటింగ్ ఎంచుకుంది. రెండు జట్ల మధ్య పోరు హోరాహోరీగా ఉంటుందని మొదటి నుంచీ అంచనాలు ఉన్నాయి. తొలిసారి ట్రోఫీని సాధించాలనే పట్టుదలతో మిథాలీ సేన ఉంది.
2005 తర్వాత ఫైనల్స్కు చేరడం భారత్కు ఇది రెండోసారి. నాటి ఫైనల్స్లో ఆస్ట్రేలియా చేతిలో భారత జట్టు ఓటమిపాలైంది. స్వదేశంలో మరోమారు కప్పు అందుకోవాలని ఇంగ్లండ్ జట్టు ఉవ్విళ్లూరుతోంది. మహిళల వరల్డ్ కప్లో ఫైనల్స్కు చేరడం ఇంగ్లండ్ జట్టుకు ఇది ఏడోసారి. మహిళల ప్రపంచకప్లో ఇంతవరకూ మూడు సార్లు విజేతగా నిలిచింది.
బ్యాటింగ్కు అనుకూలం. కాస్త ఓపిక పడితే పరుగుల వరద ఖాయం. చిరుజల్లులు పడే అవకాశముందని వాతావరణ శాఖ నివేదిక. సోమవారం రిజర్వ్ డే. అయినా దీని అవసరం రాకపోవచ్చని అంచనా.