ఐపీఎల్-9వ సీజన్ విజేతగా సన్‌రైజర్స్.. బస్సులో ఖుషీ ఖుషీ.. యువీ లవర్ కూడా?!

ఇండియన్ ప్రీమియర్ లీగ్ తొమ్మిదో సీజన్లో హైదరాబాదీ ఫ్రాంచైజీ సన్ రైజర్స్ ఫైనల్లో గెలుపును నమోదు చేసుకోవడం ద్వారా ట్రోఫీని సొంతం చేసుకుంది. తొలిసారి ఫైనల్‌కు చేరిన సన్ రైజర్స్.. ఐపీఎల్ ట్రోఫీని గెలుచుకున్న సంతోషంతో జట్టు సభ్యులంతా ఎగిరి గంతేశారు. 

మ్యాచ్ అనంతరం బస్సులో ప్రయాణీస్తున్న సమయంలో తోటి సభ్యుల సంతోషాన్ని యువీ తన కెమెరాలో బంధించి సోషల్ మీడియాలో పోస్ట్ చేశాడు. అరుపులు, కేకలు, విజిల్స్‌తో చెలరేగిపోయారు. ఈ వీడియోలో యువరాజ్ సింగ్ ప్రియురాలు కీచెల్ కూడా ఉంది. జట్టు సభ్యుల ఆనందాన్ని చూసి తెగ నవ్వేసింది. 

కాగా ఐపీఎల్ 9వ సీజన్ విజేతగా సన్ రైజర్స్ నిలిచిన సంగతి తెలిసిందే. తొలిసారి ఫైనల్లోకి చేరిన హైదారాబాద్ టీమ్.. కోహ్లీ జట్టును ఓడించింది.   ఐపీఎల్-9 ఫైనల్లో 8 పరుగుల తేడాతో బెంగళూరు రాయల్ ఛాలెంజర్స్‌పై విజయఢంకా మోగించిన సంగతి తెలిసిందే. 

టైటిల్ వేటలో బెంగళూరును మూడోసారి భంగపాటుకు గురిచేస్తూ.. టోర్నీలో కొత్త చరిత్రను లిఖించింది. కెప్టెన్ వార్నర్ వీరంగం సృష్టించగా... ఆల్‌రౌండర్ యువరాజ్ సింగ్ అద్భుత ప్రదర్శనతో ఐపీఎల్‌లో కొత్త చాంపియన్‌గా హైదరాబాద్ సైన్‌రైజర్స్ ఉదయించింది.