భర్త 'తల' అయితే... భార్య 'మెడ'... వైరల్‌గా మారిన సెహ్వాగ్ ట్వీట్

భార్యాభర్తల అనుబంధంపై క్రికెటర్ వీరేంద్ర సెహ్వాగ్ కీలక ట్వీట్ చేశారు. భారత క్రికెట్ జట్టులో డాషింగ్ ఓపెనర్‌గా రాణించిన సెహ్వాగ్.. రిటైర్ అయిన తర్వాత కూడా సోషల్ మీడయా ద్వారా అందరితో టచ్‌లో ఉన్నాడు. సెహ

భార్యాభర్తల అనుబంధంపై క్రికెటర్ వీరేంద్ర సెహ్వాగ్ కీలక ట్వీట్ చేశారు. భారత క్రికెట్ జట్టులో డాషింగ్ ఓపెనర్‌గా రాణించిన సెహ్వాగ్.. రిటైర్ అయిన తర్వాత కూడా సోషల్ మీడయా ద్వారా అందరితో టచ్‌లో ఉన్నాడు. సెహ్వాగ్ చేసే ట్వీట్లు అందరికీ ఎంతో వినోదాన్ని పంచుతున్నాయి. 

తాజాగా భార్యాభర్తల సంబంధంపై ఆయన చేసిన ట్వీట్ వైరల్ అవుతోంది. 'కుటుంబానికి భర్త తలలాంటి వాడైతే... ఆ తలను కూడా తిప్పగలిగే మెడ భార్య' అని ట్వీట్ చేశాడు. భార్యలను ప్రేమించే వారు... ఆమెతో సెల్ఫీ తీసుకోవడానికి ఎందుకు నిరాకరిస్తారు అంటూ పోస్ట్ చేశాడు. 

అంతేకాదు తన భార్యతో కలసి దిగిన సెల్ఫీని అప్ లోడ్ చేశాడు. ఈ ట్వీట్‌కు అభిమానుల నుంచి విపరీతమైన స్పందన వస్తోంది. ఇప్పటికే దాదాపు రెండు వేల మంది రీట్వీట్ చేయగా, 23 వేలకు పైగా లైక్స్ రావడం గమనార్హం. ఈ ట్వీట్‌పై నెటిజ‌న్లు కూడా ఎన్నో ఫ‌న్నీ ట్వీట్స్ చేస్తున్నారు.