ఐ లవ్ ఇండియా.. బ్యాండ్‌తో ఫోటో.. సోషల్ మీడియా సచిన్ పోస్ట్
స్వాతంత్ర్య దినోత్సవాన్ని పురస్కరించుకుని మాస్టర్ బ్లాస్టర్ సచిన్ టెండూల్కర్ సోషల్ మీడియాలో ఐ లవ్ ఇండియా.. బ్యాండ్‌తో తన దేశభక్తిని ప్రదర్శించాడు. దేశం యావత్తు 70వ స్వాతంత్ర్య దినోత్సవాన్ని జరుపుకుంటో
స్వాతంత్ర్య దినోత్సవాన్ని పురస్కరించుకుని మాస్టర్ బ్లాస్టర్ సచిన్ టెండూల్కర్ సోషల్ మీడియాలో ఐ లవ్ ఇండియా.. బ్యాండ్‌తో తన దేశభక్తిని ప్రదర్శించాడు. దేశం యావత్తు 70వ స్వాతంత్ర్య దినోత్సవాన్ని జరుపుకుంటోంది. ఈ నేపథ్యంలో పలువురు ప్రముఖులు దేశ ప్రజలకు సోషల్ మీడియాలో శుభాకాంక్షలు వెల్లడించారు. ఈ తరహాలోనే భారత క్రికెట్ దిగ్గిజ ఆటగాడు సచిన్ టెండూల్కర్ కూడా తన అభిమానులకు స్వాతంత్ర్య దినోత్సవ శుభాకాంక్షలు తెలిపాడు.
ఈ సందర్భంగా తన చేతికి ‘ఐ లవ్ ఇండియా’ అని ఉన్న బ్యాండ్‌ను ఫొటో తీసి సోషల్ మీడియాలో పోస్ట్ చేశాడు. అందరికీ స్వాతంత్ర్య దినోత్సవ శుభాకాంక్షలని చెప్పి ఆపై అందరి హృదయాలను టచ్ చేశాడు. మనపై ఆధారపడ్డ ప్రతి ఒక్కరినీ దయచేసి మర్చిపోవద్దని హితవు పలికాడు.
మనల్ని నమ్ముకున్న వారిని ఏ పరిస్థితిలోనూ వదిలిపెట్టకూడదని.. తప్పకుండా గుర్తుంచుకుని వారిపట్ల మరింత శ్రద్ధ తీసుకోమని కోరాడు. పెద్దవారి పట్ల ప్రేమ చూపించడమే మన సంస్కృతి మనదని తెలిపాడు.