శ్రీశాంత్ ''టీమ్5'' సినిమా ట్రైలర్ రిలీజ్: ''శ్రీ'' మిస్.. డైరక్టర్‌దే తప్పా.. నెగటివ్ టాక్? (Video)

టీమిండియా మాజీ క్రికెటర్, కేరళ స్పీడ్ స్టర్ శ్రీశాంత్.. సినిమాల్లో నటిస్తున్న సంగతి తెలిసిందే. క్రికెట్ చరిత్రలో బౌలర్‌గా పేరు తెచ్చుకుని స్పాట్ ఫిక్సింగ్ వివాదంలో చిక్కుకుని నానా తంటాలు పడి.. ఆపై పెళ

టీమిండియా మాజీ క్రికెటర్, కేరళ స్పీడ్ స్టర్ శ్రీశాంత్.. సినిమాల్లో నటిస్తున్న సంగతి తెలిసిందే. క్రికెట్ చరిత్రలో బౌలర్‌గా పేరు తెచ్చుకుని స్పాట్ ఫిక్సింగ్ వివాదంలో చిక్కుకుని నానా తంటాలు పడి.. ఆపై పెళ్ళి చేసుకుని ఓ ఇంటివాడైన శ్రీశాంత్‌కు దశ తిరిగింది. ఇటీవలే తండ్రి అయిన శ్రీశాంత్.. మలయాళ సినిమాలో హీరోగా నటిస్తున్నాడు. ఆ సినిమా పేరు టీమ్5. 

బైక్ రేస్ నేపథ్యంలో సాగే ఈ సినిమాలో శ్రీశాంత్‌కు జంటగా నిక్కీ గల్రానీ నటిస్తోంది. సురేష్ గోవింద్ ఈ సినిమాకు దర్శకత్వం వహించాడు. గతంలో ఈ సినిమాకు సంబంధించిన స్టిల్ సోషల్ మీడియాలో వైరల్ అయ్యింది. తాజాగా ఈ చిత్ర ట్రైలర్ రిలీజ్ అయ్యింది. 

ఈ ట్రైలర్‌కు నెగటివ్ టాక్ వస్తోంది. ట్రైలర్‌ను చూసిన చాలామంది పెదవి విరుస్తున్నారు. దీనికి కారణం ట్రైలర్‌లో హీరో కంటే ఇతర పాత్రధారులపైనే పూర్తి దృష్టి పెట్టడమే. కథాపరంగా అలా జరిగి ఉండొచ్చు కానీ ఓ క్రికెటర్ హీరోగా మారి చేస్తున్న మొదటి సినిమాలో శ్రీశాంత్‌ను ఫోకస్ చేయకపోవడం ఏమిటని సినీ జనం ప్రశ్నిస్తున్నారు. అందువల్ల హీరోని హైలైట్ చేయడానికి దర్శకుడు ప్రయత్నించి వుంటే బాగుంటుందని నెటిజన్లు అభిప్రాయం వ్యక్తం చేస్తున్నారు.