అంతర్జాతీయ క్రికెట్‌లో రారాజుగా రాణించిన మాస్టర్ బ్లాస్టర్ సచిన్ టెండూల్కర్ కుమారుడు అర్జున్ టెండూల్కర్ కూడా తండ్రికి తగిన తనయుడనిపించుకున్నాడు. సచిన్ తనయుడైన అర్జున్ టెండూల్కర్ కూడా కెరీర్లో మరో సెంచరీని నమోదు చేసుకున్నాడు. ముంబై క్రికెట్ అసోసియేషన్ నిర్వహిస్తున్న పయ్యాడే అండర్-16 క్రికెట్ టోర్నీలో సెంచరీతో అదరగొట్టి.. సత్తా ఏంటో నిరూపించుకున్నాడు.
సునీల్ గవాస్కర్ ఎలెవెన్ జట్టుకు ప్రాతినిధ్యం వహిస్తున్న అర్జున్ టెండూల్కర్ రోహిత్ శర్మ ఎలెవెన్ జట్టుపై 156 బంతుల్లో రెండు సిక్సర్లు, 16 ఫోర్ల సాయంతో 106 పరుగులు చేశాడు. అర్జున్ రాణించడంతో సునీల్ గవాస్కర్ ఎలెవెన్ జట్టు 218 పరుగులు సాధించింది.
కాగా ముంబై అండర్ -14 జట్టుకు కూడా ప్రాతినిధ్యం వహిస్తున్న సంగతి తెలిసిందే. ప్రస్తుతం పయ్యాడే తరపున సెంచరీ నమోదు చేసుకోవడంపై కోచ్ మాట్లాడుతూ, అర్జున్ సహజసిద్ధమైన గేమ్ ఆడాడని కితాబిచ్చాడు. అద్భుతంగా బ్యాటింగ్‌తో బాధ్యతాయుతంగా రాణించాడని ప్రశంసల వర్షం కురిపించాడు.