ఛాంపియన్స్ ట్రోఫీ: పాక్ లోగోపై బీసీసీఐ అభ్యంతరం.. ఐసీసీ వార్నింగ్

Team India's Jersey

ఫిబ్రవరి 19 నుండి పాకిస్తాన్, దుబాయ్‌లలో జరగనున్న ఐసిసి ఛాంపియన్స్ ట్రోఫీకి ముందు కొత్త వివాదం తలెత్తింది. ఆతిథ్య దేశం పాకిస్తాన్ పేరును ప్రదర్శించడంపై భారత క్రికెట్ నియంత్రణ బోర్డు (బిసిసిఐ) అభ్యంతరం వ్యక్తం చేసినట్లు సమాచారం. 

ఐసీసీ టోర్నమెంట్లలో పాల్గొనే జట్ల జెర్సీలపై ఆతిథ్య దేశం పేరు, లోగో ముద్రించాలి. అయితే, భారత జట్టు దుబాయ్‌లో ఆడనుంది కాబట్టి, వారు తమ జెర్సీలపై పాకిస్తాన్ పేరును ముద్రించబోరని బీసీసీఐ వాదించినట్లు సమాచారం.

ఈ అంశంపై స్పందిస్తూ, అన్ని జట్లు టోర్నమెంట్ నిబంధనలను పాటించాల్సిన బాధ్యత ఉందని ఐసిసి పేర్కొంది. టోర్నమెంట్ లోగోను తమ కిట్‌లపై ప్రదర్శించడం ప్రతి జట్టు బాధ్యత. అన్ని జట్లు ఈ నియమాన్ని పాటించాలి" అని ఐసిసి అధికారి ఒకరు తెలిపారు.

ఐసిసి నిబంధనల ప్రకారం, ఛాంపియన్స్ ట్రోఫీ లోగో, ఆతిథ్య దేశం పేరును టీం ఇండియా ఆటగాళ్ల కిట్‌లలో ప్రదర్శించకపోతే, వారిపై కఠిన చర్యలు తీసుకోవచ్చని అపెక్స్ బోర్డు హెచ్చరించింది. ఈ నియమాల ప్రకారం, మ్యాచ్‌లు ఎక్కడ జరిగినా, ఆతిథ్య దేశం పేరు జెర్సీలపై తప్పనిసరిగా ప్రదర్శించబడాలి.

బీసీసీఐ, పాకిస్తాన్ క్రికెట్ బోర్డు (పీసీబీ) మధ్య కొనసాగుతున్న ఉద్రిక్తతల మధ్య ఈ వివాదం తలెత్తింది. గత కొన్ని నెలలుగా, బీసీసీఐ మొదట్లో టోర్నమెంట్ కోసం తన జట్టును పాకిస్తాన్‌కు పంపడానికి నిరాకరించింది. చివరికి ఒక రాజీ కుదిరింది. దీని ఫలితంగా హైబ్రిడ్ మోడల్‌ను స్వీకరించారు. దీనిలో కొన్ని మ్యాచ్‌లు దుబాయ్‌లో జరుగుతాయి.

 అయితే, భవిష్యత్తులో భారతదేశం నిర్వహించే ఐసీసీ టోర్నమెంట్లలో, పాకిస్తాన్ భారతదేశంలో ఆడే అవకాశం లేదు. ఇందులో భాగంగా BCCI అదనపు ఖర్చులను కూడా భరించాల్సి రావచ్చు.