సంగక్కర కొట్టిన సిక్స్.. స్మార్ట్ ఫోన్‌ను పగులకొట్టింది.. వీడియో చూడండి..
శ్రీలంక మాజీ కెప్టెన్ కుమార సంగక్కర తన పవర్ ఇంకా తగ్గలేదని నిరూపించాడు. అంతర్జాతీయ క్రికెట్‌కు రెండేళ్ల క్రితమే గుడ్ బై చెప్పేసిన సంగక్కర.. ప్రస్తుతం ఇంగ్లండ్ స్వదేశీ ట్వంటీ-20లో పాల్గొంటున్నాడు.
శ్రీలంక మాజీ కెప్టెన్ కుమార సంగక్కర తన పవర్ ఇంకా తగ్గలేదని నిరూపించాడు. అంతర్జాతీయ క్రికెట్‌కు రెండేళ్ల క్రితమే గుడ్ బై చెప్పేసిన సంగక్కర.. ప్రస్తుతం ఇంగ్లండ్ స్వదేశీ ట్వంటీ-20లో పాల్గొంటున్నాడు. తాజాగా సర్రే-మిడిల్ సిక్స్ జట్ల మధ్య జరిగిన మ్యాచ్‌లో సంగక్కర సిక్స్‌తో విశ్వరూపం చూపాడు. ఆరు ఫోర్లు, మూడు సిక్సులతో ఏకంగా 70 పరుగులు సాధించి.. తన బ్యాటింగ్ పవరేంటో చూపించాడు.
సంగక్కర కొట్టిన ఓ సిక్స్... అభిమానులు కూర్చునే ప్రాంతానికి దూసుకెళ్లింది. స్టీవెన్ ఫిన్ బౌలింగ్‌లో సంగక్కర భారీ షాట్ కొట్ట‌గా ఆ బాల్‌ను అందుకోవాల‌ని చూసిన ఓ అభిమాని షాక్ అయ్యాడు. బాల్ పట్టుకునేందుకు ప్రయత్నించిన ఆ ఫ్యాన్.. చేతిలో స్మార్ట్ ఫోన్ ఉండటం మరిచిపోయాడు. దీంతో అత‌డి చేతిలోని స్మార్ట్‌ఫోన్‌కి బాల్ తగిలి పగిలిపోయింది. తన ఫోన్‌ను కెమెరాకు చూపిస్తూ అభిమాని ఆశ్చర్యం వ్యక్తం చేశాడు. ఈ ఘటనకు సంబంధించిన వీడియో ప్రస్తుతం నెట్టింట్లో వైరల్ అయ్యింది. ఆ వీడియోను మీరు చూడండి.