టీ బ్రేకేంటి..? కాఫీ బ్రేక్ అనకూడదా?.. ఆయనంటే నాకు చాలా భయం

భారత నెంబర్ వన్ ఆటగాడు.. ఆల్ రౌండర్‌గా నిలిచిన కపిల్ దేవ్.. 1983లో భారత్‌కు మొదటిసారి ప్రపంచ కప్ అందించాడు. చాలామంది బౌలర్లకు చుక్కలు చూపించిన కపిల్ దేవ్‌కు ఒకరంటే భయమట. కానీ ఆయన ఎవరో ఏ ప్రత్యర్థి జట్టు ఆటగాడో కాదు. భారత జట్టు ఒకప్పటి కెప్టెన్ శ్రీనివాస్ వెంకట్రాఘవన్ అని ఓ ఇంటర్వ్యూలో తెలిపాడు. 

అప్పటి భారత్ జట్టు కెప్టెన్ శ్రీనివాస్ వెంకట్రాఘవన్ అంటే తనకు చాలా భయమని చెప్పుకొచ్చాడు. ఆయన ఉంటే నేను ఓ మూలకు వెళ్లి బ్రేక్‌ఫాస్ట్ చేసేవాడినని కపిల్ దేవ్ గుర్తు చేసుకున్నాడు. అంతేగాకుండా టీ బ్రేక్‌ను ఎందుకు కాఫీ బ్రేక్ అనకూడదని వాదించేవారని కపిల్ వ్యాఖ్యానించాడు. అలాగే ఆయనకు కోపం ఎక్కువని కపిల్ తెలిపాడు. 

1960-1970లో భారత్ స్పిన్నర్‌గా రాణించిన వెంకట్రాఘవన్ 57 టెస్టులు ఆడి మొత్తం 156 వికెట్లు తీసుకున్నాడు. అలాగే కపిల్ దేవ్ ప్రపంచ కప్ గెలిచినా 1983లోనే తన రిటైర్మెంట్ ప్రకటించిన సంగతి తెలిసిందే.