వంటింటి చిట్కాలు... బహుశా ఇవి మీకు తెలియవేమో చూడండి...

చపాతీలు, పూరీలు ఎక్కువగా తయారుచేసుకున్నప్పుడు వాటిని ఫ్రిజ్‌లో పెట్టుకుంటే పాడవకుండా ఉంటాయి. ఉదయం లేవగానే వంటచేయలేకపోతే ముందుగానే ఊతప్పం చేసుకుని ఫ్రిజ్‌లో ఉంచుకుంటే మంచిది. ఇలా చేయడం వలన మీ సమయం వృదా

చపాతీలు, పూరీలు ఎక్కువగా తయారుచేసుకున్నప్పుడు వాటిని ఫ్రిజ్‌లో పెట్టుకుంటే పాడవకుండా ఉంటాయి. ఉదయం లేవగానే వంటచేయలేకపోతే ముందుగానే ఊతప్పం చేసుకుని ఫ్రిజ్‌లో ఉంచుకుంటే మంచిది. ఇలా చేయడం వలన మీ సమయం వృధా కాకుండా ఉంటుంది. ఎప్పుడు గుడ్లు, బ్రెడ్‌ను ఫ్రిజ్‌లో నిల్వ చేసుకుని ఉంటే మంచిది.

నిమ్మకాయలు ఎక్కువగా ఉంటే వాటిని ఐస్‌క్యూబ్ ట్రేలో వాటి రసాన్ని పిండుకుని ఫ్రిజ్‌లో పెట్టుకోవాలి. నిమ్మరసాన్ని ఇలా చేసుకుంటే ఆ ఐస్‌క్యూబ్స్ 20 రోజుల పాటు పాడవకుండా ఉంటాయి. మీకు కావలసిన నప్పుడు వాటిని వంటకాల్లో వాడుకోవచ్చును. ఉల్లిపాయలు వేయించేటప్పుడు వాటిల్లో కాస్త చక్కెర వేసుకుంటే త్వరగా వేగుతాయి.

ఉల్లిపాయలు కట్‌ చేసేటప్పుడు కళ్లలో నీళ్లు రాకుండా ఉండాలంటే వాటిని చల్లటి నీటిలో వేసుకుంటే చాలు. అల్లం వెల్లులి పేస్ట్ ఎక్కువ రోజులు తాజాగా ఉండాలంటే ఆ మిశ్రమంలో కాస్త కాగిన నూనెను వేసుకుని ఫ్రిజ్‌లో పెట్టుకోవాలి. చపాతీ పిండిలో కొద్దిగా పాలు కలుపుకుని చేసుకుంటే చపాతీలు మృదువుగా ఉంటాయి. బఠాణీలు ఉడికించేటప్పుడు అందులో కాస్త చక్కెరను వేసుకుంటే వాటి రంగు మారదు.