వెజ్ విత్ ఎగ్ పలావ్ ఎలా చేయాలి?

కూరగాయలు, కోడిగుడ్లు ఆరోగ్యానికి మేలు చేస్తాయి. శరీరానికి కావలసిన శక్తినిస్తాయి. ప్రోటీన్లు, విటమిన్లు అందిస్తాయి. ఈ రెండింటి కాంబినేషన్‌లో ఈ వీకెండ్ వెజిటబుల్-ఎగ్ పులావ్ ఎలా చేయాలో చూద్దాం.. 

కావలసిన పదార్థాలు : 

ఉల్లి, బీన్స్, క్యారెట్, ఆలూ, క్యాప్సికమ్ తరుగు- అర కప్పు చొప్పున 

కోడిగుడ్లు - ఐదు 

బాస్మతి రైస్ - మూడు కప్పులు 

అల్లం గుజ్జు- ఒక టీ స్పూన్ 

బిర్యానీ ఆకు - ఒకటి

పసుపు- చిటికెడు 

గరం మసాలా- అర టీ స్పూన్ 

నెయ్యి, ఉప్పు - సరిపడా 

తయారీ విధానం : 

ముందుగా నెయ్యి వేడిచేసి బిర్యానీ ఆకు, యాలక్కాయ, లవంగాలు, అల్లం గుజ్జు, పచ్చిమిర్చి తరుగు, కూరగాయలు ముక్కలు వేయాలి. ఇవి కొంచెం ఉడికాక బియ్యం వేసి మరికాసేపు వేగించాలి. తర్వాత మసాలా పొడి, పసుపు వేసి మళ్లీ కాసేపు ఉంచాక ఒకటిన్నర కప్పుల కంటే కొంచెం ఎక్కువ నీళ్లు పోసి, ఉప్పు వేసి ఉడికించాలి. 

ఉడికించిన గుడ్ల పెంకు తీసి గుడ్లని చిన్న ముక్కలుగా కోసుకోవాలి. మరోపాన్‌లో కొంచెం నెయ్యి వేడిచేసి కొద్దిగా ఉప్పు, మిరియాలు, పసుపు వేసి కొంచెం సేపు వేగించాలి. దీన్ని ఉడికించిన పులావ్ అన్నంలో కలిపి వేడివేడిగా కడాయ్ చికెన్‌తో సర్వ్ చేయాలి.