మిక్స్డ్ ఫ్రూట్ ఫుడ్డింగ్ ఎలా చేయాలో తెలుసా?

పండ్లలో చాలా పోషకాలున్నాయి. ఫ్రూట్ మిక్స్‌‌తో చాలా వెరైటీలు చేయొచ్చు. క్యాన్సర్‌ను నిరోధించి, వ్యాధినిరోధక శక్తిని పెంచే పండ్లతో మిక్స్డ్ ఫ్రూట్ ఫుడ్డింగ్ చేస్తే ఎలా ఉంటుందో ట్రై చేశారా. పిల్లలు తెగ ఇష్టపడి తినే ఈ ఫ్రూట్ పుడ్డింగ్‌ చాలా టేస్టీనే కాదు.. హెల్తీ కూడా. వివిధ రకాల పండ్లతో పోషకాలతో ఫ్రూట్ పుడ్డింగ్‌ను చాలా డిఫరెంట్‌గా తయారుచేసుకోవచ్చు. అదేలాగో ట్రై చేసి చూద్దాం.. 

కావలసిన పదార్థాలు :

పాలు : అర లీటర్

కోడి గుడ్లు : రెండు 

కస్టర్డ్ పౌడర్ : రెండు టేబుల్ స్పూన్లు 

బిస్కెట్స్ : నాలుగు 

పంచదార పొడి : అర కప్పు 

రెడ్ జెల్లీ : ఒక కప్పు 

గ్రీన్ జెల్లీ : ఒక కప్పు 

స్ట్రాబెర్రీ : నాలుగు 

బ్లూ బెర్రీ : ఆరు 

పీచ్ : ఆరు

మామిడి: 1

సీడ్ లెస్ లీచీ: రెండు 

మాపుల్ సిరప్ : ½ cup 

తయారీ విధానం :

ముందుగా పెద్ద గిన్నెలో పాలు పోసి బాగా మరిగించాలి. తర్వాత అందులో కస్టర్డ్ పౌడర్, బిస్కెట్స్ గిలకొట్టి పెట్టుకున్న గుడ్డు మిశ్రమాన్ని పోయాలి. తర్వాత పాలు బాగా మరిగాక అందులో పంచదార మిక్స్ వేసి కలపాలి. తర్వాత ఓ పెద్ద గ్లాస్ బౌల్ తీసుకుని అందులో చిక్కగా ఉడికించుకున్న పాల మిశ్రమాన్ని కొద్దిగా ఓ లేయర్‌గా పోయాలి.  

తర్వాత దాని మీద రెడ్ జెల్లీ, మరో లేయర్ గ్రీన్ జెల్లీ పోయాలి. తర్వాత ఫ్రూట్స్ కూడా సర్దాలి. తర్వాత తిరిగి మరో లేయర్ చిక్కటి పాల మిశ్రమాన్ని పోయాలి. ఇలా పదార్థాలన్ని పూర్తయ్యే వరకూ అన్నింటిని లేయర్స్‌గా పోసుకోవాలి. ఇలా మొత్తం తయారుచేసుకొన్నాక ఈ గ్లాస్ బౌల్‌ను ఫ్రిజ్ లో పెట్టి కనీసం 2 గంటలు ఉంచాలి. అంతే పుడ్డింగ్ రెడీ అవుతుంది. 

రెండు గంటల తర్వాత బయటకు తీసి గ్లాస్ బౌల్ ను రివర్స్ లో పెట్టి, పుడ్డింగ్‌ను ప్లేట్ లోకి వంపుకోవాలి. తర్వాత దాని మీద మాప్లే సిరఫ్‌ను పోయాలి. అంతే చివరగా మిక్స్డ్ ఫ్రూట్స్‌తో గార్నిష్ చేసి డిన్నర్‌కు చల్లచల్లగా సర్వ్ చేయాలి.