బియ్యం, మినప్పప్పు, మెంతులను కలిపి నీటిలో సుమారు 8 గంటలపాటు నానబెట్టుకోవాలి. మరుసటి రోజు మెత్తగా గ్రైండ్ చేసుకోవాలి. గ్రైండ్ చేసుకున్న మిశ్రమాన్ని కూడా సుమారు 8 గంటలపాటు ఫ్రిజ్‌లో కాకుండా బయటే ఉంచాలి. పులిసిన పిండిలో ఉప్పువేసి బాగా కలియబెట్టాలి. ఊతప్పం వేయడానికి ముందు మాత్రమే సోడా వేసి కలపాలి.
పెనం వేడిచేసి ఒక టీస్పూన్ నూనె వేసి పెనమంతా రుద్దాలి. ఇప్పుడు గరిటెతో పిండిని పోసి మందంగా వేయాలి. మరో టీస్పూన్ నూనెని ఊతప్పం చుట్టూ వేయాలి. ఇప్పుడు తరిగి ఉంచుకున్న పచ్చిమిర్చి, టొమోటో, క్యారెట్, ఉల్లిపాయ, కొత్తిమీర తరుగుల్ని వేయాలి. సిమ్‌లో 5 నిమిషాలు అలాగే ఉంచి, ఆ తరువాత ఊతప్పంను ప్లేటులోకి మెల్లిగా తీయాలి. అంతే క్యారెట్ ఊతప్పం తయార్. ఇది వేడిగా ఉన్నప్పుడే కొబ్బరి చట్నీ లేదా టొమోటో సాస్‌, సాంబార్‌లతో కలిపి తింటే రుచి అదిరిపోతుంది. ఆరోగ్యానికి మంచిది కూడా.