పోషకాహారం కూరగాయల నూడిల్స్ సూప్

కావలసిన పదార్థాలు : 

బీన్స్ ముక్కలు - పావు కప్పు,

క్యారట్ ముక్కలు - పావు కప్పు

నూడిల్స్ - అర కప్పు

ఉల్లికాడల తరుగు - 4 టీ స్పూన్లు

అజినమోటో - చిటికెడు

ఉప్పు - తగినంత

నూనె - టీస్పూను,

మిరియాలపొడి - పావు టీస్పూను

చిల్లీసాస్ - టీ స్పూను,

సోయాసాస్ - పావు టీ స్పూను

కొత్తిమీర - కొద్దిగా

వెజిటబుల్స్ - నూడిల్స్ సూప్ తయారి : బీన్స్, క్యారట్ ముక్కలను ఆరు కప్పుల నీటిలో ఐదు నిముషాలు ఉడికించి, వడకట్టి నీరు తీసి పక్కన పెట్టుకోవాలి. తగినంత నీరు పోసి నూడిల్స్‌ను కూడా ఉడికించి నీరు వడకట్టి పక్కన పెట్టుకోవాలి. పాన్‌లో నూనె వేడి చేసి, ఉల్లికాడల తరుగు, ఉడికించిన బీన్స్, క్యారట్ ముక్కలు వేసి వేయించాక, తర్వాత కూరగాయలు ఉడికించిన నీళ్లు, అజినమోటో, మిరియాల పొడి, తగినంత ఉప్పు, సోయాసాస్, చిల్లీ సాస్ వేసి మరిగించాలి. మరిగాక నూడిల్స్ కూడా చేర్చి కొద్ది సేపు ఉడికించాలి. కొద్దిగా చిక్కబడ్డాక ఉల్లికాడల తరుగు లేదా కొత్తిమీరతో గార్నిష్ చేసి సర్వ్ చేయాలి. అంతే నూడిల్స్ సూప్ రెడీ. దీనిని సాయంత్రం వేళల్లో చిన్నారులకు ఇవ్వడం చాలా మంచిది, ఆరోగ్యకరం. దీనిని చిన్న పిల్లలు బాగా ఇష్టపడతారు.