పిల్లల నిద్రపై శ్రద్ధ పెట్టండి.. నిద్రవేళకు అరగంట ముందే అన్నీ ఆపేయాలి!

పిల్లల నిద్రపై తల్లిదండ్రులు ప్రత్యేకంగా శ్రద్ధ తీసుకోవాలి. ఆహారం, నిద్ర ఇవి రెండే పిల్లల పెరుగుదలలో కీలక పాత్ర పోషిస్తాయి. అందుచేత సరైన టైమ్‌లో పిల్లలకు ఆహారం ఇవ్వడం.. తద్వారా శరీరానికి పోషకాలు అందిం

పిల్లల నిద్రపై తల్లిదండ్రులు ప్రత్యేకంగా శ్రద్ధ తీసుకోవాలి. ఆహారం, నిద్ర ఇవి రెండే పిల్లల పెరుగుదలలో కీలక పాత్ర పోషిస్తాయి. అందుచేత సరైన టైమ్‌లో పిల్లలకు ఆహారం ఇవ్వడం.. తద్వారా శరీరానికి పోషకాలు అందించడం చేయాలి. ఇక నిద్ర విషయంలో చాలా కేర్ తీసుకోవాలి. సరైన టైమ్‌కు నిద్రపుచ్చి.. సమయానికి లేపాలి. శరీర పెరుగుదల, మెదడు వికసించటం రెండూ దాదాపు నిద్ర ద్వారానే జరుగుతాయి. పిల్లల్లో 4-8 ఏళ్ల పిల్లలు 11 గంటల పాటు నిద్రపోవాలి. 8-10 ఏళ్ళ వయసు పిల్లలు పది గంటల పాటు నిద్రపోవాలని చైల్డ్ కేర్ నిపుణులు అంటున్నారు. 

ఇంకా స్కూలుకు వెళ్లే పిల్లల్ని సమయానికి నిద్రపుచ్చండి. సెలవులతో సంబంధం లేకుండా ప్రతిరోజూ పడుకోవటం, లేవటంలో ఒకే సమయాన్ని పాటించే విధంగా చూడాలి. సెలవుల్లో పిల్లలు నిద్ర వేళలు క్రమం మారకుండా జాగ్రత్త పడాలి. ఒకవేళ మారినా, బడి తెరవటానికి కనీసం వారం రోజులు ముందు నుండి నిద్ర వేళల్ని సరిచేయాలి.

ఇక పిల్లల గదుల్లో టీవీలు, కంప్యూటర్లు, వీడియో గేములు లాంటివి ఉంచొద్దు. అలాగే నిద్రవేళకు అరగంట ముందు వాటిని చూడనీయకూడదు. అరగంట ముందు చదవటం, హోం వర్కు చేయటం నిలిపేయాలి. సాయంత్రాలలో, రాత్రిపూట పిల్లలు తినే ఆహారంలో జాగ్రత్తలు పాటించాలి. సాయంకాలం తరువాత చాక్లెట్లు కోలా డ్రింకులు తాగనీయవద్దు. వీటిలో ఉండే కీఫిన్ రోజువారీ నిద్రను చెడ గొడుతుంది. పడుకునే మందు రిలాక్స్ కావటాన్ని పిల్లలు నేర్పించాలి.