స్పైస్ జెట్ నుంచి ''మెగా మాన్‌సూన్‌ సేల్'': రూ.699కే పలు రూట్ల మధ్య టిక్కెట్లు

ప్రముఖ విమానయాన సంస్థ స్పైస్ జెట్ ‘మెగా మాన్‌సూన్‌ సేల్‌’ పేరుతో తాము రూ.699కే పలు రూట్ల మధ్య విమాన టికెట్‌లను అందించే అద్భుత ఆఫర్‌ను ప్రవేశపెట్టింది. నిర్ణీత సంఖ్య‌లో మాత్ర‌మే ఉన్న ఈ టికెట్ల‌ను గురువ

ప్రముఖ విమానయాన సంస్థ స్పైస్ జెట్ ‘మెగా మాన్‌సూన్‌ సేల్‌’ పేరుతో తాము రూ.699కే పలు రూట్ల మధ్య విమాన టికెట్‌లను అందించే అద్భుత ఆఫర్‌ను ప్రవేశపెట్టింది. నిర్ణీత సంఖ్య‌లో మాత్ర‌మే ఉన్న ఈ టికెట్ల‌ను గురువారం నుంచి వ‌చ్చేనెల‌ 4 వరకు బుక్ చేసుకోవ‌చ్చ‌ునని తెలిపింది. బుకింగ్‌లు చేసుకున్న ప్రయాణికులు వ‌చ్చేనెల‌ 14 నుంచి వచ్చే ఏడాది మార్చి 24 మధ్య ప్రయాణించవచ్చని తెలిపింది.

జమ్ము-శ్రీనగర్‌, గువహటి-అగర్తలా, ఐజ్వాల్‌-గువహటితో పాటు మరికొన్ని మార్గాల్లో ప్ర‌యాణించాల‌నుకుంటున్న ప్రయాణీకుల కోసం ఈ ఆఫర్‌ను అందిస్తున్న‌ట్లు పేర్కొంది. బుకింగ్ చేసుకున్న ప్ర‌యాణికుల‌కు మ‌రో ఆఫ‌ర్‌ను కూడా ప్ర‌క‌టిస్తున్న‌ట్లు తెలిపింది. వారిలో ప‌లువురిని లక్కీడ్రాలో ఎంపిక చేసి దుబాయ్‌, మాలే, కొలంబో, బ్యాంకాక్‌ వెళ్లేందుకు హాలిడే ప్యాకేజ్‌ను ఆఫ‌ర్ చేయ‌నున్న‌ట్లు స్పైస్ జెట్ ప్రకటించింది. 

ఈ టిక్కెట్లను ఎయిర్ లైన్స్ వెబ్ సైట్లు, మొబైల్ యాప్‌తో పాటు కొన్ని ఆన్ లైన్ పోర్టల్స్ అంటే మేక్‌మైట్రిప్, యాత్ర, స్కైన్‌స్కానర్ వంటి వెబ్ సైట్లలోనూ బుక్ చేసుకోవచ్చు. ఈ ఆఫర్‌లో బుక్ చేసుకునే వారి టిక్కెట్లు రీఫండబుల్ అంటూ స్పైస్ జెట్ తెలిసింది.