పెట్రోల్, డీజిల్ ధరలను చమురు సంస్థలు మరో సారి తగ్గించాయి. పెట్రోల్ ధర 80 పైసలు, డీజిల్ ధర రూ. 1.30 తగ్గింది. పన్నులు కూడా కలుపుకుంటే ఈ ధరల తగ్గుదల ఇంకొంచెం ఎక్కువ ఉంటుంది. తగ్గించిన ధరలు గురువారం అర్ధరాత్రి నుంచి అమల్లోకి వస్తాయి.
ప్రస్తుతం 59 డాలర్లుగా ఉన్న ముడి చమురు ధర స్వల్పంగా తగ్గడంతో ఆ స్థాయిలో నూనె సంస్థలు రిటైల్ ధరలను తగ్గించాయి. ఏప్రిల్ 2న పెట్రోల్, డీజల్ ధరలు తగ్గగా, తాజాగా మరో సారి తగ్గడంతో ఒకే నెలలో రెండు సార్లు ధరలు తగ్గాయి.
హైదరాబాద్‌లో లీటర్ పెట్రోల్‌పై రూ. 90 పైసలు తగ్గింది. లీటర్ పెట్రోల్‌పై కొత్త ధర రూ. 66.88. లీటర్ డీజిల్‌పై రూ. 1.47 పైసలు తగ్గింది. లీటర్ డీజిల్‌పై కొత్త ధర రూ. 53.45గా ఉంది.