భారతదేశంలోని రెండో అతిపెద్ద ప్రైవేట్ రంగ బ్యాంక్ ఐసీఐసీఐ... ప్రత్యేకించి మహిళల కోసం ప్రత్యేకమైన సేవింగ్స్ అకౌంట్‌ను ప్రారంభించి.. ఉద్యోగాలు చేస్తున్న నారీమణుల కోసం ‘ఐసీఐసీఐ బ్యాంక్ అడ్వాంటేజ్ ఉమెన్ ఆరా సేవింగ్స్ అకౌంట్’ పేరిట కొన్ని సదుపాయాలను అందుబాటులోకి తీసుకువచ్చింది.
ఈ అకౌంట్ ప్రారంభించిన వారికి... షాపర్స్‌స్టాప్ గిఫ్ట్ కార్డ్‌తోపాటు... తనిష్క్, ఓలా నుండి వోచర్లు కూడా అందజేయబడతాయి. వీటితోపాటు బిగ్ బాస్కెట్, లాకర్ రెంటల్స్ కొనుగోళ్లలో డిస్కౌంట్ సొంతం చేసుకోవచ్చు. ఈ అన్నింటితోపాటు ఏటీఎం కమ్ డెబిట్ కార్డు వినియోగంపై క్యాష్‌బ్యాక్ కూడా పొందే అవకాశం ఉంది.
ఐసీఐసీఐ బ్యాంక్ అడ్వాంటేజ్ ఉమెన్ ఆరా సేవింగ్స్ అకౌంట్ ప్రత్యేకతలు..
* ఐసీఐసీఐ బ్యాంక్ ఏటీఎం కమ్ డెబిట్ కార్డు వినియోగం వల్ల రూ.750 వరకు క్యాష్‌బ్యాక్ పొందడంతోపాటు ఈ కార్డుని అన్ని బ్యాంకుల ఏటీఎంలలోనూ ఎన్ని సార్లయినా ఉపయోగించవచ్చు.
* ఐసీఐసీఐ బ్యాంక్ బ్రాంచ్‌లలో లాకర్ రెంటల్స్‌పై 50 శాతం తగ్గింపు పొందవచ్చు.
* రుణాలపై ప్రాసెసింగ్ ఫీజులో డిస్కౌంట్ లభిస్తుంది. వారికి వడ్డీ రేట్లు ప్రత్యేకంగా ఉంటాయి. హోమ్ లోన్, హోమ్ లోన్ టాప్-అప్ తీసుకున్నవారికి ప్రాసెసింగ్ * ఫీజులో 50 శాతం మినహాయింపు ఉంటుంది.
* హోమ్ లోన్ బ్యాలెన్స్ ట్రాన్స్‌ఫర్ చేసుకునేవారు ఎలాంటి ప్రాసెసింగ్ ఫీజులు చెల్లించాల్సిన అవసరం లేదు.