పట్టుకుచ్చులాంటి కురుల కోసం చిన్నచిన్న చిట్కాలు పాటిస్తే సరిపోతుంది. జుట్టుకు ఎగ్ వైట్‌లో ఉండే హీలింగ్ ప్రొపర్టీస్ ఎంతో మేలు చేస్తాయి. గుడ్డును జుట్టుకు పట్టించడం వలన జుట్టుకు మంచి మెరుపు వస్తుంది. అంతేకాదు మృదువుగా మారుతుంది. కాబట్టి, జుట్టుకు ఎగ్ వైట్ అప్లై చేయడం ద్వారా జుట్టు బాగా పెరుగుతుంది.
అలానే రెగ్యులర్ ట్రిమ్మింగ్ చేయాలి. ప్రతి 6 నుండి 8 వారాలకొకసారి జుట్టును ట్రిమ్ చేయడం వలన జుట్టు రూట్స్ నుండి చివరి వరకూ వేగంగా పెరుగుతుంది. తరచూ ట్రిమ్ చేయడం వలన జుట్టు చిట్లడాన్ని నివారించవచ్చు.
జుట్టు వేగంగా పెరగాలంటే కనీసం వారానికొకసారైనా హాట్ ఆయిల్ మసాజ్ చేయాలి. ఇలా చేయడం వల్ల జుట్టు స్ట్రక్చర్ మెరుగుపడుతుంది. హెయిర్ రూట్స్‌కు రక్తప్రసరణ మెరుగ్గా ఉండి, జుట్టు వేగంగా పెరగడానికి సహాయపడుతుందని బ్యూటీషియన్లు అంటున్నారు.
పావుకప్పు మెంతి పేస్ట్‌లో కొద్దిగా పెరుగు కలిపి జుట్టుకు పట్టించాలి. అరగంట అలానే ఉంచి.. ఆ తరువాత 5 నిమిషాలు మర్దన చేసుకోవాలి. ఆపై గోరువెచ్చని నీటితో తలస్నానం చేయాలి. ఇలా వారం రోజులు క్రమంగా చేయడం వలన జుట్టు రాలకుండా ఉంటుంది.