మహిళలు రోజూ ఓ గ్లాసు టమోటో జ్యూస్ తాగితే..?

మహిళలు రోజూ ఓ గ్లాసుడు టమోటా జ్యూస్ తీసుకుంటే రొమ్ము క్యాన్సర్‌ను దూరం చేసుకోవచ్చునని ఆరోగ్య నిపుణులు అంటున్నారు. టమోటో  వీటిలోని లైకోపీన్ రొమ్ముక్యాన్సర్‌ను నివారిస్తుంది. చర్మ ఆరోగ్యాన్ని పెంచుతుంది. గుండెజబ్బులను దూరం చేస్తుంది. 

ఇక రోజూ గ్లాసు పాలు తీసుకోవడం ద్వారా మహిళల ఆరోగ్యానికి బలం చేకూరుతుంది. పాలలో విటిమిన్ డి కూడా ఎక్కువగానే ఉంటుంది. మహిళల్లో సర్వసాధారణంగా కనిపించే ఆస్టియో ఆర్థరైటిస్ అవకాశాన్ని తగ్గించడంలో పాలు ముఖ్యపాత్ర పోషిస్తాయి. పిఎంఎస్ సమస్య కూడా తగ్గుతుంది.

అలాగే రోజు వారీ డైట్‌లో ఓట్స్ తీసుకోవాలి. బిపి నుంచి మధుమేహం దాకా మంచి మందులా పనిచేసే ఓట్స్ గర్భిణి స్త్రీలకు మరింత మేలు చేస్తాయి. గర్భిణులు వీటిని తీసుకోవడం వల్ల పుట్టే శిశువుకు జన్యులోపాలు కలిగే అవకాశం చాలా తక్కువగా ఉంటుందని ఆరోగ్య నిపుణులు అంటున్నారు. 

ఇక వారానికి ఓ రోజు చేపలు తీసుకోవాలి. ఒమేగా 3 ఫ్యాటీ ఆమ్లాలు పుష్కలంగా ఉండే చేపలను తీసుకోవడం ద్వారా ఒత్తిడి నుండి గుండెను పదిలం చేసుకోవచ్చు. తద్వారా గుండెపోటు లాంటి హృద్రోగ సమస్యలను దూరం చేసుకోవచ్చును. అలాగే రెండు రోజులకు ఒకసారి.. తోటకూర తీసుకోవాలి. తోటకూరలో విటమిన్లు, ఖనిజ లవణాలు ఎక్కువ మోతాదులో ఉంటాయి. దీనిలోని మెగ్నీషియం ప్రీమెన్‌స్ట్రువల్ సిండ్రోమ్ (పిఎంఎస్) సమస్యను తగ్గిస్తుంది.