సునీల్-హైదరాబాద్: మీరు దశమి శుక్రవారం, సింహ లగ్నం, పుబ్బ నక్షత్రం, సింహరాశి నందు జన్మించారు. లగ్నము నందు చంద్ర, కేతువులు ఉండి, భార్య స్థానము నందు రాహువు ఉండి, అష్టమ స్థానము నందు కుజుడు ఉండి, కుజ బంధన దోషం ఏర్పడం వల్ల మీరు ఒక సంబంధం అనుకుని ఆగిన తదుపరి మీకు వివాహం అవుతుంది. వివాహ విషయంలో జాతక పొంతన చాలా అవసరమని గమనించండి. 2016 ఫిబ్రవరి నుంచి 2016 అక్టోబరు లోపు మీకు వివాహం అవుతుంది. యోగ్యురాలైన భార్య లభిస్తుంది. 2012 నవంబరు నుంచి చంద్ర మహర్దశ ప్రారంభమైంది. ఈ చంద్రుడు 2017 నుంచి 2022 వరకూ సత్ఫలితాలను ఇస్తాడు. 2017 వరకు అర్థాష్టమ శనిదోషం ఉన్నందువల్ల ప్రతి శనివారం 20 సార్లు నవగ్రహ ప్రదక్షణ చేసి తెల్లని పూలతో శనిని పూజించి, అర్చించినట్లయితే దోషాలు తొలగిపోతాయి. 2022 నుంచి కుజ మహర్దశ 7 సంవత్సరములు మీకు ఉజ్జ్వల భవిష్యత్తు ఉంది. ఏదైనా ఉద్యాన వనాల్లో మోదుగ చెట్టును నాటిన దోషాలు తొలగిపోతాయి.
మీరు ఇచ్చిన అమ్మాయిది దశమి గురువారం మేష లగ్నము, మఖ నక్షత్రం, సింహ రాశి నందు జన్మించారు. లగ్నము నందు రవి, శుక్రులు ఉండటం వల్ల భర్త స్థానము నందు బృహస్పతి ఉండటం వల్ల ఆమె ఇష్టానుసారం వివాహం జరిగే అవకాశం ఉంది. యోగ్యుడు, ఉత్తముడు, విద్యావంతుడైన భర్త లభిస్తాడు. వివాహానంతరం ఆమెకు ఉజ్జ్వల భవిష్యత్తు ఉంది. 2017 వరకూ అర్థాష్టమ శనిదోషం ఉన్నందువల్ల నెలకు ఒక శనివారం నాడు 9 సార్లు నవగ్రహ ప్రదక్షణ చేసి శనిని పూజించి, అర్చించిన సర్వదా శుభం కలుగుతుంది. 2016 నందు మీకు వివాహం అవుతుంది. ఏదైనా దేవాలయంలో మఱ్ఱి చెట్టును నాటి దోషాలు తొలగిపోతాయి. మీ ఇద్దరి జాతకాలు బాగున్నాయి.
గమనిక: మీ సందేహాలను editor_telugu@webdunia.net కి పంపండి. పంపేముందు మీ పేరు, మీ పుట్టినతేదీ, పుట్టిన సమయం, పుట్టిన ఊరు రాయడం మర్చిపోవద్దు. జాతక ఫలితాల కోసం అత్యధిక సంఖ్యలో ప్రశ్నలను వీక్షకులు పంపిస్తూ ఉన్నారు. కనుక మీ ఫలితాల కోసం కాస్త వేచి ఉండగలరు. పంపిన వారందరివీ ప్రశ్నలు-సమాధానాలు శీర్షికలో ప్రచురించబడుతాయి. ఒకసారి ప్రశ్న పంపినవారు మళ్లీమళ్లీ అదే ప్రశ్నలను తిరిగి పంపవద్దు.