08-05-2025 గురువారం దినఫలితాలు - దంపతుల మధ్య సఖ్యత ఉండదు...

మేషం : అశ్వని, భరణి 1, 2, 3, 4 పాదములు, కృత్తిక 1వ పాదం

ఆచితూచి అడుగేయండి. అనవసర జోక్యం తగదు. అందరితోను మితంగా సంభాషించండి. దంపతుల మధ్య సఖ్యత ఉండదు. చీటికిమాటికి చికాకుపడతారు. ఖర్చులు విపరీతం. ఊహించని సంఘటన ఎదురవుతుంది. పెద్దలతో సంప్రదింపులు జరుపుతారు. 

వృషభం : కృత్తిక 2, 3, 4 పాదాలు, రోహిణి, మృగశిర 1, 2, పాదాలు

ప్రముఖులతో పరిచయాలు ఏర్పడతాయి. చాకచక్యంగా అడుగులేస్తారు. మీ కష్టం ఫలిస్తుంది. పనులు సానుకూలమవుతాయి. దైవకార్యాలకు వ్యయం చేస్తారు. ఫోన్ సందేశాలను పట్టించుకోవద్దు. ఒక సమాచారం ఆలోచింపచేస్తుంది. కీలక చర్చల్లో పాల్గొంటారు. 

మిథునం : మృగశిర 3, 4 పాదాలు, ఆర్ద్ర, పునర్వసు 1, 2, 3 పాదాలు

లావాదేవీలు కొలిక్కివస్తాయి. పొదుపు పథకాలపై దృష్టి పెడతారు. నిర్దిష్ట ప్రణాళికలతో యత్నాలు సాగిస్తారు. మీ శ్రమ ఫలిస్తుంది. ఉల్లాసంగా గడుపుతారు. ముఖ్యమైన పనులు సకాలంలో పూర్తి చేస్తారు. నగదు చెల్లింపుల్లో జాగ్రత్త. ఆరోగ్యం పట్ల శ్రద్ధ వహించండి. 

కర్కాటకం : పునర్వసు 4వ పాదం, పుష్యమి, ఆశ్లేష

కార్యక్రమాలు ప్రశాంతంగా సాగుతాయి. ఒప్పందాలకు అనుకూలం. ప్రముఖుల సలహా పాటిస్తారు. ధనలాభం ఉంది. కొత్త పనులు చేపడతారు. ఉద్యోగయత్నం ఫలిస్తుంది. పత్రాల్లో మార్పుచేర్పులు అనుకూలిస్తాయి. ముఖ్యులకు ఆత్మీయ వీడ్కోలు పలుకుతారు. 

సింహం : మఖ, పుబ్బ, ఉత్తర 1వ పాదం

పరిస్థితులు అనుకూలిస్తాయి. ఆలోచనల్లో మార్పు వస్తుంది. కొత్త ఆలోచనలతో ముందుకు సాగుతారు. ఖర్చులు తగ్గించుకుంటారు. కొత్త పరిచయాలు బలపడతాయి. పనులు హడావుడిగా సాగుతాయి. విదేశాల్లోని ఆత్మీయులతో సంభాషిస్తారు. వాహనం నడిపేటపుడు జాగ్రత్త. 

కన్య : ఉత్తర 2, 3, 4 పాదాలు, హస్త, చిత్త 1, 2 పాదాలు

వ్యవహారాల్లో నిపుణుల సలహా పాటించండి. స్థిమితంగా ఆలోచించి నిర్ణయాలు తీసుకోవాలి. భేషజాలకు పోవద్దు. రుణఒత్తిడి ఆందోళన కలిగిస్తుంది. దుబారా ఖర్చులు తగ్గించుకుంటారు. చేపట్టిన పనులు ఒక పట్టాన పూర్తికావు. ఎదురుచూస్తున్న పత్రాలు అందుకుంటారు. 

తుల : చిత్త 3, 4 పాదాలు, స్వాతి, విశాఖ 1, 2, 3 పాదాలు

సంప్రదింపులు వాయిదా పడతాయి. ఆలోచనలు నిలకడగా ఉండవు. అన్యమస్కంగా గడుపుతారు. ఊహించని ఖర్చులు ఆందోళన కలిగిస్తాయి. సన్నిహితులతో సంభాషిస్తారు. పనులు ముందుకు సాగవు. సోదరి సోదరులతో విభేదిస్తారు. ఆస్తి వివాదాలు జఠిలమవుతాయి. 

వృశ్చికం : విశాఖ 4వ పాదం. అనూరాధ, జ్యేష్ట 1,2,3,4 పాదములు

చేపట్టిన కార్యం విజయవంతమవుతుంది. ప్రముఖులకు సన్నిహితులవుతారు. ప్రణాళికలు వేసుకుంటారు. ఖర్చులు విపరీతం. పనులు వేగవంతమవుతాయి. పెద్దలతో సంప్రదింపులు జరుపుతారు. పత్రాల్లో మార్పలు అనుకూలిస్తాయి. పుణ్యక్షేత్రం సందర్శిస్తారు. 

ధనస్సు : మూల, పూర్వాషాడ 1 2 3 4 పాదములు, ఉత్తరాషాడ 1వ పాదం

నిర్దిష్ట ప్రణాళికలతో ముందుకు సాగుతారు. సన్నిహితుల ప్రోత్సాహం ఉంటుంది. పనుల సానుకూలతకు మరింత శ్రమించాలి. మాటతీరు అదుపులో ఉంచుకోండి. విలాస వస్తువులు కొనుగోలు చేస్తారు. పత్రాలు జాగ్రత్త. కీలక సమావేశంలో పాల్గొంటారు. 

మకరం : ఉత్తరాషాడ 2, 3, 4 పాదాలు. శ్రవణం, ధనిష్ట 1, 2 పాదాలు

ధైర్యంగా నిర్ణయాలు తీసుకుంటారు. రావలసిన ధనం అందుతుంది. సకాలంలో చెల్లింపులు జరుపుతారు. పనుల్లో ఏకాగ్రత ముఖ్యం. సాయం ఆశించవద్దు. కొత్త వ్యక్తులతో జాగ్రత్త. బ్యాంకు వ్యవహారాల్లో మెళకువ వహించండి. బాధ్యతలు అప్పగించవద్దు. 

కుంభం : ధనిష్ట 3, 4 పాదాలు, శతభిషం, పూర్వాబాద్ర 1, 2, 3 పాదాలు

మీ సమర్ధతపై నమ్మకం పెంచుకోండి. సాయం ఆశించవద్దు. ఏకాగ్రతతో కార్యక్రమాలు కొనసాగించండి. మీ కృషి వెంటనే ఫలిస్తుంది. పట్టుదలతో పనులు పూర్తి చేస్తారు. ఖర్చులు విపరీతం. ఆత్మీయులతో సంభాషిస్తారు. శుభకార్యానికి హాజరవుతారు. 

మీనం : పూర్వాబాద్ర 4వ పాదం, ఉత్తరాబాద్ర, రేవతి

ఆర్ధిక ఇబ్బందులు లేకున్నా వెలితిగా ఉంటుంది. ఆలోచనలతో సతమతమవుతారు. మనోధైర్యంతో మెలగండి. విలాసాలకు విపరీతంగా ఖర్చుచేస్తారు. సన్నిహితులతో సంభాషిస్తారు. చేపట్టిన పనులు త్వరితగతిన పూర్తవుతాయి. ప్రముఖులతో పరిచయాలు ఏర్పడతాయి.