ఆ సమయంలో తప్ప మరెప్పుడు గర్భం రాదా?

సాధారణంగా రుతు స్రావం జరుగుతున్న మహిళల్లో బహిష్టు అయిన 12 నుంచి 16 రోజుల లోపు అండం విడుదలవుతుంది. ఈ సమయంలో రతిలో పాల్గనడం వలన గర్భధారణ జరుగుతుంది. వీర్యకణాలు, అండంతో కలసి పిండంగా మారుతాయి. దీనినే గర్భధారణ అని అంటారు.

ఈ సమయంలో తప్ప మరెపుడు గర్భధారణ కాదా? అనే ప్రశ్న మళ్ళీ ఉత్పన్నమవుతుంది. కొందరిలో ముందుగా గర్భధారణ జరిగే అవకాశం ఉంది. ఇది చాలా తక్కువగా జరుగుతుంది. ఇలాంటి సంఘటనలలో 8 నుంచి 10 రోజుల లోపు అండం విడుదలవుతుంది. దీనిని ముందస్తు గర్భధారణ అంటారు. 

గర్భం ఎన్నాళ్ళుంటుంది ?

సాధారణంగా గర్భధారణ సమయం నుంచి ప్రసవించే వరకూ 40 వారాల (9 నెలల 10 రోజులు) కాలపరిమితిలో మహిళను గర్భవతి అంటారు. దీనిని మూడు దశలుగా విభజిస్తారు. మొదటి 12 వారాలను ఒకటోదశగానూ, 13-27 వారాలను రెండో దశగానూ, 28-40 వారాల కాలపరిమితిని మూడో దశగా పరిగణిస్తారు. 

పరీక్షలు చేయించుకోవాలా...? 

గర్భనిర్ధారణ అయిన తరువాత పరీక్షలు చేయించుకోవడం మంచిదే. రక్తహీనత, మూత్రపిండాలలో ఏవైనా లోపాలుంటే ఆ ప్రభావం పిండంపై పడే అవకాశం ఉంటుంది. ఇలాంటి సమయంలో గర్భస్రావం జరగవచ్చు. కాబట్టి రక్త పరీక్ష, మూత్ర పరీక్షలు చేయించుకుని వైద్యుల వద్ద సలహాలు తీసుకోవాలి. గర్భసంరక్షణకు వైద్యులను తరచూ సంప్రదిస్తూ ఉండాలి.