వేసవిలో మహిళలు తీసుకోవాల్సిన జాగ్రత్తలేంటో తెలుసా!

వేసవిలో బయట అతిగా తిరగడం, తినడం ఈ రెండూ పూర్తిగా తగ్గిస్తే చాలా మంచిదని వైద్యులు అంటున్నారు. ఆయిల్‌స్కిన్ ఉన్నవారిపై మాత్రం ఎండ తీవ్రత ప్రభావం స్వల్పంగా ఉంటుంది. వేసవిలో ప్రత్యేక దుస్తులు ధరించాలి. పాలియెస్టర్ టెరీకాటన్ పట్టునైలాన్ షిఫాన్ వంటి చీరలను ధరించకూడదు. 

సాధ్యమైనంత వరకు నూలు చీరలు మామూలు కాటన్ చీరలు వాడటం శ్రేయస్కరం. అలాగే వేసవిలో బిగుతుగా ఉండే దుస్తులు ధరించడం మంచిది కాదు. వేసవిలో ఎక్కడైనా ప్రయాణాలు పెట్టుకున్నప్పుడు ముదురురంగు కలిగిన వస్త్రాలను, దుస్తులనుగానీ ఉపయోగించరాదు. 

లేతరంగువి లేదా తెలుగు రంగువి ఎండవేడిమిని గ్రహించుకోవు కాబట్టి వాటిని ఉపయోగించడం మంచిది. బ్రాలని, జాకెట్లను వదులుగా తొడుక్కోవాలి. శరీరాన్ని పూర్తిగా కప్పే జాకెట్లు వాడకూడదు. వేసవిలో అలంకరణల్ని సాధ్యమైనంత వరకు తగ్గించుకోవాలి. నూనె పదార్థాలను తినటం మంచిది కాదు. 

నీటిని ఎక్కువగా తాగుతూ ఉండాలి. నిమ్మ, నారింజ, బత్తాయి, ఫైనాపిల్, మ్యాంగో వంటి ఫ్యూట్ జ్యూస్‌లను తీసుకోవాలి. బాదం మిల్క్, ఫ్లేవర్డ్ మిల్క్ వంటివి తీసుకోవచ్చు. మజ్జిగనీళ్ళు, పచ్చిఉల్లిపాయలు మేలు చేస్తాయి. తేనె కలిపిన నిమ్మరసం వేసవిలో శరీరాన్ని చల్లబరుస్తుంది. వేసవిలో రెండుపూటలా చన్నీళ్ళ స్నానం చేయాలి.