అమ్మాయిలు ఏ పనికి ఎంతెంత టైం కేటాయిస్తారో తెలుసా?

అమ్మాయిలు ఏ పనికి ఎంతెంత టైం కేటాయిస్తారో... ఆ పనులకు ఏడాదిలో ఎంత కాలం వృధా అవుతుందో తెలుసా..? ఇటువంటి అంశాలపై జరిగిన సర్వేలో వెల్లడైన ఫలితాలిలేంటో ఒక్కసారి చూద్దాం!

అమ్మాయిలు డైటింగ్ కోసం ఏడాదిలో దాదాపు ఐదు వారాల సమయాన్ని కేటాయిస్తారట. ఏది తింటే బరువు పెరిగిపోతామో ఎందులో క్యాలరీలు తక్కువున్నాయో అలాంటి లెక్కలు వేసుకుంటూ డైటింగ్ చార్టు ఫాలో అవడానికి ఆ మాత్రం టైం తప్పనిసరని అంటున్నారట.

అమ్మాయిల షాపింగ్ ఓ పట్టాన తేలదు. ఒకటికి పది వస్తువుల్ని చూస్తారు. నూటికి వెయ్యి లెక్కలు వేస్తారు. అందుకే రెగ్యులర్ షాపింగ్ చేసే అమ్మాయిలు ఏడాదికి 200 గంటల 46 నిమిషాలు మాల్‌లోనే మకాం వేస్తారట.

అమ్మాయిల చేతుల్లో మొబైల్ ఉందంటే మాత్రం వారికి ఇక ఈ లోకమే మరిచిపోతారట. కబుర్లు ఏమైనా కావొచ్చు... సగటున ఒక అమ్మాయికి ఏడాదిలో నెల రోజులు టాక్ టైమ్ ఉంటుందట. 

అమ్మాయి అద్దం ముందు కూచుంటే ముస్తాబయ్యేందుకు పట్టే సమయం ఏడాదికి దాదాపు వారం రోజులు. ఇంకా డ్రెస్సింగ్ కోసం తీసుకునే సమయం దాదాపు ఐదున్నర రోజుల కాలం. ఇలా అమ్మాయిలు వివిధ పనులకు కాలాన్ని ఇలా ఉపయోగిస్తారట.