క్యాబేజీ పకోడీలను ఎలా చేయాలి?

క్యాబేజీ శరీర కండరాల దృఢత్వానికి ఎంతో మేలు చేస్తుంది. రక్తాన్ని శుద్ధిచేయడంతో పాటు కొలెస్ట్రాల్‌ను అదుపులో ఉంచుతుంది. వృద్ధాప్య ఛాయలను దూరం చేస్తుంది.

మొటిమలను దూరం చేసుకోవాలంటే వారానికి రెండు సార్లు క్యాబేజీని ఆహారంలో తీసుకోవాల్సిందేనని న్యూట్రీషన్లు అంటున్నారు. అలాంటి హెల్దీ క్యాబేజీతో పకోడా ట్రై చేస్తే ఎలా ఉంటుందో చూద్దాం.. 

కావలసిన వస్తువులు:

క్యాబేజి : పావుకిలో.

శనగపిండి:  పావుకిలో.

పచ్చిమిర్చి తరుగు : పావు కప్పు 

కారం : అరచెంచా.

బియ్యం పిండి : కొంచెం.

నూనె, ఉప్పు : తగినంత

తయారీ విధానం:

ముందుగా మిర్చీ, క్యాబేజీ సన్నగా తరిగి సరిపడా ఉప్పు, కారాలు బియ్యం పిండితో పాటు సెనగపిండిని కూడా కలుపుకోవాలి. పకోడీలకు తగ్గట్టు ఈ మిశ్రమాన్ని సిద్ధం చేసుకోవాలి. స్టౌపై బాణలి పెట్టి నూనె కాగాక పిండిని పకోడీల్లా మెదిపి దోరగా వేగాక సర్వింగ్ ప్లేటులోకి తీసుకుంటే క్యాబేజీ పకోడీ రెడీ.