తయారుచేయండి ఇలా : అరటి కాయ పచ్చడి తయారీకి మొదట అరటి కాయలను స్టౌ మీద కాల్చాలి. చల్లారిన తరువాత పైన ఉన్న తొక్కను తీసి ముక్కలు చేసుకోవాలి. బాణలిలో నూనె వేసి కాగాక, శనగపప్పు, మినపప్పు, ఆవాలు, జీలకర్ర వేసి వేయించుకోవాలి. చివరిగా ఎండు మిరపకాయలు, పచ్చి మిరపకాయలు వేసి మరో మారు వేయించాలి. చల్లారిన తరువాత మిక్సీలో వేసి తిప్పాలి. మెత్తగా అయ్యాక ఉప్పు. చింతపండు, అరటి కాయ ముక్కలు వేసి తిప్పాలి. పచ్చడిని బౌల్‌లోకి తీసుకుని, పల్లీల పొడి వేసి కలపాలి. కొత్తమీర, కరివేపాకు గార్నిష్ చేసుకుంటే సరి. అంతే రుచికరమైన అరటికాయ పచ్చడి రెడీ. దీన్ని టిఫిన్‌లోకికానీ, అన్నంలోకి కానీ, అలేగే అయినా, కాసింత నెయ్యి వేసుకుని అయినా ఆరగించవచ్చును.