సాల్ట్ అండ్ పెప్పర్ మష్రూమ్ ఎలా చేయాలో తెలుసా?

FILE

సాల్ట్ అండ్ పెప్పర్ మష్రూమ్ తీసుకోవడం ద్వారా శరీరంలో కెలరీల శాతం తగ్గుతుందని, తద్వారా ఒబిసిటీని దూరం చేసుకోవచ్చునని న్యూట్రీషన్లు అంటున్నారు. మష్రూమ్స్‌లో శరీరానికి ఎంతో మేలు చేసే పోషకాలున్నాయి. మష్రూమ్స్ తీసుకోవడం ద్వారా గుండెపోటుకు చెక్ పెట్టడంతో పాటు శరీరంలో అనవసర ఫాట్‌కు చెక్ పెడుతుంది.

కావలసిన పదార్థాలు :
తాజా మష్రూమ్ -250 గ్రాములు
కార్న్‌ఫ్లోర్ - మైదా- చెరో 50 గ్రాములు
ఉల్లి తరగు - పావు కప్పు
అల్లం, వెల్లుల్లి పేస్ట్ -1 టీ స్పూన్
పచ్చిమిర్చి తరుగు - అర టీ స్పూన్
ఉప్పు - తగినంత
ఎండు మిరపకాయ పేస్ట్ - పావు టీ స్పూన్
సోయా సాస్, వైట్ పెప్పర్ పొడి - చిటికెడు
నూనె - తగినంత

తయారీ విధానం :
ముందుగా శుభ్రపరిచిన మష్రూమ్‌ను ముక్కలు చేసి పక్కనబెట్టుకోవాలి. వీటిని మైదా, కార్న్ ఫ్లోర్, ఉప్పు మిశ్రమంలో వేసి మసాలా అతికాక నూనెలో వేపుకోవాలి. కడాయిలో కాస్త నూనె పోసి అందులో అల్లం వెల్లుల్లి, పచ్చిమిర్చిలను వేసి బాగా వేపుకోవాలి. తర్వాత ఎండు మిర్చి పేస్ట్ వేసి కాసేపయ్యాక వైట్ పెప్పర్‌ను వేసి కలపాలి. తగినంత ఉప్పు కూడా చేర్చాలి. ఇందులో వేపిన మష్రూమ్ చేర్చి, చివరికి వెల్లుల్లి ముక్కలు చల్లి దించేయాలి.