బఠాణీ, పెసరలతో స్టఫ్‌డ్ రోల్స్ చేస్తే..?

FILE

బఠాణీలు, పెసరలతో స్టఫ్‌డ్ రోల్స్ చేస్తే ఎలా వుంటుంది. తప్పకుండా పిల్లలు ఇష్టపడి మరీ తింటారు. బఠాణీలు, పెసరపప్పుల్లో ఉన్న ఫైబర్ పిల్లల్లో జ్ఞాపకశక్తి పెంచుతుంది. అలాంటి వాటితో స్టఫ్‌డ్ రోల్స్ ఎలా చేయాలో చూద్దాం..

కావలసిన పదార్థాలు:
ప్రెంచ్‌రోల్ - 1.
ఉడికించిన బఠాణీ - 2 కప్పులు.
ఉడికించిన పెసర మొలకలు - 1 కప్పు.
చాట్ మసాలా - 2 చెంచాలు.
తరిగిన కొత్తిమీర - 2 గరిటెలు.
తరిగిన ఉల్లిగడ్డ - 1.
సన్నగా తరిగిన అల్లం - 1 చెంచా.
సన్నగా తరిగిన పచ్చిమిరపకాయలు - 2 చెంచాలు.
ఉప్పు - సరిపడినంత.
వెన్న - వేయింపుకు సరిపడా.

తయారీ విధానం :
ప్రెంచ్‌రోల్‌ను ఐదు ముక్కలుగా కట్‌చేసుకోవాలి. ఒక్కో భాగం ఓ కప్పులా ఉంటుంది. నింపడానికి వీలుగా అడుగు భాగం ఉండేలా చేసుకోవాలి. ఉడికించిన బఠాణీలు కాస్త అటు ఇటుగా చితపాలి. అందులో అల్లం, మొలకగింజలు, పచ్చిమిరపకాయలు, కొత్తిమీర, ఉప్పు, చాట్ మసాలా కలుపుకోవాలి.

ఈ మిశ్రమాన్ని కప్పుల్లాంటి ఒక్కో ప్రెంచ్‌రోల్‌లో నింపుకోవాలి. పైన కాస్త వెన్నను రాయాలి. వీటిని ఓవెన్‌లో పెట్టి 5-10 నిమిషాలు బేక్ చేసుకోవాలి. తరిగిన ఉల్లిముక్కలతో వేడి వేడిగా సర్వ్ చేయాలి.