కావలసిన పదార్థాలు : వంకాయలు... పావు కేజీ పచ్చికొబ్బరి చిప్ప... పెద్దది ఒకటి తెల్లనువ్వులు... 50 గ్రాములు గసగసాలు... రెండు టీ. పచ్చిమిరపకాయలు... పది నూనె... అర కప్పు పసుపు... చిటికెడు ఉప్పు... తగినంత
తయారీ విధానం : వంకాయలను గుత్తి వంకాయ కూరకు కోసినట్లుగా కోసుకుని ఉప్పు కలిపిన నీటిలో వేయాలి. పచ్చి కొబ్బరి, నువ్వులు, గసగసాలు, ఉప్పు, పచ్చిమిరపకాయలను మెత్తగా గ్రైండ్ చేసి వంకాయల్లో కూరాలి.
ఆ తరువాత ఓ కడాయిలో నూనె పోసి వంకాయలను అందులో సమానంగా సర్దాలి. పైన పసుపు చల్లి కొద్దిగా నీళ్లు చిలకరించి మూతపెట్టాలి. మూతమీద కూడా నీళ్లు పోయాలి. ఎందుకంటే, మూతపైన కూడా నీటిని పోయటం వల్ల కూరలో నేరుగా నీరు పోయకపోయినా ఆవిరి లోపలికి వెళ్లి తక్కువ నూనెతో బాగా ఉడుకుతుంది కాబట్టి.
కూర ఉడుకుతుండగా... మధ్యమధ్యలో, మూత తీసి పక్కన పెట్టి, కడాయిని రెండు చేతులతో పట్టుకుని కిందికీ పైకీ కుదపాలి. ఇలా చేసినట్లయితే... కాయలు విడిపోకూండా ఉంటాయి. కాయలు మెత్తగా ఉడికిన తరువాత దించేసి, వేడి వేడి అన్నంతోనూ, చపాతీలతోనూ కలిపి తింటే అద్భుతంగా ఉంటుంది. మీరూ ప్రయత్నించి చూస్తారు కదూ...!