కోకోనట్ పులావ్ తయారీకి కావల్సిన పదార్థాలు రెండు కప్పుల బాస్మతి బియ్యం, ఒక కప్పు పచ్చి బఠానీ, కొబ్బరి, బిర్యానీ ఆకులు, పచ్చిమిర్చి, యాలకులు, ఉల్లిపాయలు అల్లం, జీడిపప్పు, వెల్లుల్లి, పుదీనా, కొత్తిమీరలతో పాటు తగినంత ఉప్పు, దాల్చిన చెక్క, నూనె, లవంగాలను ముందుగా సిద్దం చేసి ఉంచుకోవాలి.
తయారీ విధానం.. ముందుగా బాస్మతి బియ్యాన్ని నీటితో శుభ్రంగా కడిగి ఉంచుకోవాలి. కొబ్బరి తురుమును మిక్సీలో వేసి దాని నుంచి పాలు తయారు చేసుకోవాలి. అల్లం, వెల్లుల్లి మిక్సీలో వేసి ఫేస్టులా చేసి ఉంచుకోవాలి. ఉల్లిపాయ, పచ్చిమిర్చి తరిగి పెట్టుకోవాలి. తర్వాత కప్పు బియ్యానికి రెండు కప్పుల చొప్పున పాలు పోసి పక్కన పెట్టుకోవాలి. కుక్కర్‌లో నూనె వేసి కాగాక ఉల్లిపాయలు, పచ్చిమిర్చి వేసి వేగాక అల్లం పేస్ట్, ఇతర మసాల దినుసులన్నీ వేసి దోరగా వేగేంత వరకు ఉంచాలి.
కొద్దిసేపటి తర్వాత పచ్చి బఠాణీ వేసి వేయించి అందులో బియ్యం, పాలు పోసి కొత్తిమీర, పూదీనా తరుగు వేయాలి. బాగా కలిపి మూతపెట్టి సన్నని సెగపై ఒకటి లేదా రెండు విజిల్స్ వచ్చే వరకూ ఉడకనివ్వాలి. స్టౌవ్ ఆఫ్ చేసి పది నిమిషాల తర్వాత గార్నిష్ చేసి సర్వ్ చేయాలి. దీనికి పెరుగు, ఉల్లిపాయలతో చేసిన పెరుగు పచ్చడి భేషుగ్గా ఉంటుంది.