కడాయ్ పనీర్‌‌ రోటీలతో టేస్ట్ చేస్తే..!

FILE

కావలసిన పదార్థాలు:
పనీర్ - 200 గ్రాములు
బటర్ - 50 గ్రా; ఉల్లిపాయ పేస్ట్ -200 గ్రా
జీడిపప్పు పేస్ట్ - 10 గ్రా;
టొమాటో పేస్ట్ - అరకప్పు
పసుపు - అర టీ స్పూను
పంచదార - అర టీ స్పూను
రెడ్ కలర్ - రెండు చుక్కలు
ఉప్పు - తగినంత; నీరు - కొద్దిగా
మిరప్పొడి - టీ స్పూను; కొత్తిమీర - కొద్దిగా
జీరాపొడి - అర టీ స్పూను
మెంతిపొడి - అర టీ స్పూను
నూనె - టీ స్పూను.

తయారీ విధానం: ముందుగా స్టౌ మీద బాణలి పెట్టి నూనె వేడయ్యాక పనీర్ ముక్కలను వేయించి పక్కన ఉంచుకోవాలి. తరవాత అదే బాణలిలో బటర్ వేసి కాగాక ఉల్లిపాయ పేస్ట్, జీడిపప్పు పేస్ట్, టొమాటో పేస్ట్ వేసి దోరగా వేయించాలి.

గోధుమరంగులోకి వచ్చే దాకా వేయించిన తరవాత అందులో మిరప్పొడి, జీరాపొడి, పసుపు, మెంతిపొడి, పంచదార, రెడ్‌కలర్ చుక్కలు, తగినంత ఉప్పు వేసి వేసి బాగా కలిపి కొద్దిగా నీళ్లు పోసి కాసేపు ఉడికించాలి.

గ్రేవీలా అయ్యాక.. ముందుగా వేయించిన పనీర్ ముక్కలను ఆ మిశ్రమంలో వేసి బాగా కలపాలి. కాసేపయ్యాక కొత్తిమీర వేసి దించేయాలి. కడాయ్ పనీర్ రెడీ.. ఈ గ్రేవీని రోటీలకు సైడిష్‌గా ఉపయోగించుకోవచ్చు.