కాన్సెప్ట్ రియాల్టీ షోనే.. లక్ష్మీ టాక్ షో

ఈ రియాల్టీ షో ప్రస్తుతం ఉన్న అన్ని షోల మాదిరిగా కాదు. ఒక జీవితంలో ఎదురయ్యే అనుభవాలను పంచుకుంటూ, పాఠాలుగా మలుచుకుంటూ ఎదిగిన వైనాన్ని ఒక కాన్పెప్ట్ తీసుకుని రియాల్టీ షోగా ఈ కార్యక్రమాన్ని నిర్వహిస్తున్నారు. అంతర్జాతీయ స్థాయికి ఏ మాత్రం తగ్గకుండా ఈ కార్యక్రమం నడుస్తోంది.

విలక్షణ నటుడు మోహన్‌బాబు కుమార్తె లక్ష్మీ మంచు ఈ కార్యక్రమానికి యాంకర్‌గా వ్యవహరిస్తుండటం విశేషం. అసాధారణ మరియు ఆసక్తికర సెలెబ్రిటీ కాంబినేషన్‌ల సంపూర్ణ అనుభవాలను తెలిపే ఓ సాధారణ/అసాధారణ వేదికలా ఉండే ఈ షోను లక్ష్మీ టాక్ షోగా.. జీ తెలుగు టీవీలో ప్రతి శుక్రవారం 8.30 గంటలకు ప్రసారం చేస్తారు.

ఒకే రంగంలో ఉన్న ఇద్దరు లేదా ముగ్గురు సెలబ్రిటీల కాంబినేషన్‌‌ను ఈ సాధారణ వేదికపై ఆహ్వానించి.. విలువల్లో తేడాలు, అనుభవం, కెరీర్‌లో చేదు మరియు తీపి గురుతులు, నిజాలు, కారణాలు, జీవితంలో ఎదుర్కొన్న సంఘర్షణలు వంటివి చర్చిస్తారు.

అయితే ఈ షో.. సమస్యలు లేదా కొన్ని అంశాల పరిష్కారానికి మాత్రం కాదు. కానీ, ఇందులో పాల్గొన్న సెలబ్రిటీల ప్రతి స్వంత అభిప్రాయాన్ని గౌరవించడుతుంది. తెలుగు చిత్ర పరిశ్రమలోని అభిమాన ప్రముఖులు, స్టార్‌ల గురించి తెలిసిన, తెలియని మరిన్ని ఎన్నో వివరాలు ఈ వైవిధ్య కార్యక్రమంలో తెలుస్తాయి. వడపోసిన జీవితపు విలువలను తెలపడంలోను ఈ కార్యక్రమం కీలక పాత్ర వహిస్తుందని చెప్పొచ్చు.

సినిమా క్లైమాక్స్ చేరుకున్నప్పుడు ఉన్న ఉత్కంఠత.. సీరియల్ రక్తికట్టినపుడు వచ్చే ఉత్కంఠత.. మాదిరిగా.. ఈ కార్యక్రమం అద్యంతం ప్రేక్షకులను అహ్లాదపరుస్తుంది. కంటతడి పెట్టిస్తుంది. ఎందుకంటే.. తమ జీవితంలో ఎదుర్కొన్న సమస్యలు, నిస్సహాయతలు, ఛేదించిన లక్ష్యాలు, అనుకోని లాభాలు, అద్భుతాలు, విఫలాలు కూడా సెలబ్రిటీలు యాంకర్ లక్ష్మీతో పంచుకుంటారు.

అందుకే.. ఈ కార్యక్రమం ఎనలేని పాప్యులారిటీని సంతరించుకుంది. అశేష అభిమానులను కూడగట్టుకుంది. మరింకేం.. మీరు చూడండి.. మీ అభిమాన తారల ఆసక్తికర విషయాలను తెలుసుకోండి.. మీ 'లక్ష్మీ టాక్ షో'లో.