సోషల్ మీడియా ప్రపంచంలో నిత్యం చాలా ప్రమాదకరమైన వీడియోలు వైరల్ అవుతుంటాయి. తాజాగా ఓ వ్యక్తి నాగుపామును పట్టుకునేందుకు ప్రయత్నిస్తున్న వీడియో అందర్నీ భయభ్రాంతులకు గురిచేస్తోంది. ఈ వీడియోలో పామును పట్టే వ్యక్తికి మంచి గుణపాఠం నేర్పిందంటూ నెటిజన్లు కామెంట్లు చేస్తున్నారు.
ఓ స్నేక్ క్యాచర్ ప్రమాదకర కింగ్ కోబ్రా పామును చేతితో పట్టుకోవడానికి ప్రయత్నిస్తుండటాన్ని వీడియోలో చూడవచ్చు. ఈ క్రమంలో పామును శాంతింపజేసేందుకు ఏవేవో ప్రయత్నాలు చేస్తున్నాడు. పాము ఒక్కసారిగా ఆగ్రహం చెంది వ్యక్తిపై దాడి చేసింది. ఈ వీడియో పాతదైనా ప్రస్తుతం సోషల్ మీడియాను షేక్ చేస్తోంది.