మొసలి శిరస్సుపై కోడిపుంజు... మొసలి నోటికి చిక్కిందా? లేదా?

సాధారణంగా మొసలిని చూస్తే ప్రతి ఒక్కరూ భయపడుతారు. ఆ మొసలి ఉండే నీటి కొలను దరిదాపులకు కూడా వెళ్లేందుకు జంకుతుంటారు. అయితే, ఒక కోడి మాత్రం ఏకంగా మొసలి తలపై ఎక్కి కూర్చొంది. దీనికి సంబంధించిన వీడియో ఒకటి ఇపుడు నెట్టింట వైరల్ అవుతోంది. 

ప‌దంటే ప‌దే సెక‌న్ల నిడివిగ‌ల ఆ వీడియోలో ఒక మొస‌లి త‌న దేహాన్నీ మొత్తం న‌దిలోప‌లికి ఉంచి, కేవ‌లం త‌ల‌ను మాత్రమే ఒడ్డుకు పెట్టి నిద్రిస్తూ ఉంటుంది. అయితే, మొస‌లి ఎంత ప్ర‌మాద‌క‌ర‌మో తెలియ‌క దాన్ని ప‌డ‌వ‌లా ఉప‌యోగించుకుని న‌దిని దాటాల‌నుకున్న‌దో, లేదంటే మొస‌లి సంగ‌తి తెలిసి కూడా దానికి చిక్క‌కుండా త‌ప్పించుకోగ‌ల‌న‌న్న ఆత్మ‌విశ్వాస‌మో గానీ ఒక కోడి పుంజు దాని త‌ల‌పైకి ఎక్కింది. 

అదేస‌మ‌యంలో మ‌రో మొస‌లి న‌ది లోపలి నుంచి ఆ కోడి పుంజునే క‌నిపెడుతూ మెల్ల‌మెల్ల‌గా అటుగా క‌దులుతూ క‌నిపిస్తుంది. అలాంటి ప‌రిస్థితుల్లో ఎవ‌రైనా రెండు మొస‌ళ్ల‌లో ఏదో ఒక మొస‌లి కోడి పుంజును మింగ‌డం ఖాయం అనుకుంటారు. కానీ కోడి పుంజు మాత్రం ఏ మొస‌లి నోట ప‌డ‌కుండా చాక‌చ‌క్యంగా త‌ప్పించుకుంది. 

దీపాన్షు క‌బ్రా అనే అట‌వీశాఖ అధికారి పోస్ట్ చేసిన ఈ వీడియో ప్ర‌స్తుతం సోష‌ల్ మీడియాలో వైర‌ల్‌గా మారింది. మొస‌ళ్ల బారి నుంచి కోడిపుంజు త‌ప్పించుకున్న తీరుపై నెటిజ‌న్‌లు కామెంట్ల వ‌ర్షం కురిపిస్తున్నారు. మ‌రి ఆ కోడి పుంజు ఎలా త‌ప్పించుకుందో కింది వీడియోలో మీరూ ఒక‌సారి చూడండి.

2020 से 2021... फिर 2021 की शुरुआत.... बस ऐसी