కామారెడ్డిలో మంకీపాక్స్ కలకలం - హైదరాబాద్‌కు తరలింపు

తెలంగాణ రాష్ట్రంలోని కామారెడ్డిలో మంకీపాక్స్ కలకలం చెలరేగింది. ఈ ప్రాంతానికి చెందిన ఓ వ్యక్తికలో మంకీపాక్స్ లక్షణాలు కనిపించాయి. దీంతో ఆ బాధితుడిని హుటాహటిన హైదారాబాద్ నగరానికి తరలించి ఫీవర్ ఆస్పత్రిలో చేర్చారు. 

ప్రస్తుతం దేశంలో మంకీపాక్స్ కేసులు క్రమంగా పెరుగుతున్న విషయం తెల్సిందే. ఈ కేసుల సంఖ్య ఇప్పటికే నాలుగుకు చేరుకున్నాయి. దీంతో కేంద్ర ఆరోగ్య శాఖ కూడా అప్రమత్తమైంది. ఈ వైరస్ వ్యాప్తి కట్టడిపై దృష్టిసారించింది.

ఈ నేపథ్యంలో తెలంగాణలోని కామారెడ్డిలో ఓ అనుమానిత కేసు వెలుగుచూసింది. కువైట్‌ నుంచి కామారెడ్డికి వచ్చిన ఓ వ్యక్తికి మంకీపాక్స్‌ లక్షణాలు ఉన్నట్లు భావిస్తున్నారు. 

ఈ నెల 6న కామారెడ్డికి వచ్చిన వ్యక్తికి జ్వరం, శరీరంపై దద్దుర్లు వచ్చినట్టు వైద్యాధికారులు తెలిపారు. ఈనెల 20న జ్వరం, 23న దద్దుర్లు రావడంతో మంకీ పాక్స్‌ లక్షణాలుగా అనుమానించి ఆదివారం బాధితుడ్ని హైదరాబాద్‌ ఫీవర్‌ ఆస్పత్రికి తరలించినట్లు చెప్పారు.