కర్నాటక రాష్ట్రంలోని ఓ గ్రామంలో ఓ వింతైన పాము కుబుసం కనిపించింది. ఆ కుబుసానికి ఏకంగా ఏడు తలలు ఉండటమే. కర్నాటక రాష్ట్ర రాజధాని బెంగుళూరు నగరానికి 60 కిలోమీటర్ల దూరంలో ఉన్న మారిగౌడన దొడ్డి అనే గ్రామంలో ఈ వింత స్థానికుల కంటపడింది.
సాధారణంగా ప్రతి పౌర్ణమినాటికి పాములు తమ కుబుసాన్ని విడిచిపెడుతుంటాయి. అయితే, ఈ గ్రామంలో కొందరు గ్రామస్థులకు ఏడు తలలు కలిగివున్నట్టువంటి కుబుసం ఒకటి కనిపించింది. ఈ విషయం గ్రామం మొత్తం వ్యాపించింది. దీంతో దీన్ని చూసేందుకు స్థానికులంతా క్యూకడుతున్నారు.
పైగా, ఈ కుబుసం కూడా ఓ దేవాయానికి సమీపంలో కనిపించడంతో దీన్ని దైవమాయగా పేర్కొంటున్నారు. ఇలాంటి పాములు పురాణ గాథల్లో చదువుకున్నామనీ, ఇపుడు నిజంగానే తమ గ్రామంలో ఉన్నట్టుగా తెలుస్తోందని వారు చెపుతున్నారు. మరోవైపు, ఈ తరహా పాములు ఉండే అవకాశమే లేదని పాము నిపుణులు కొట్టిపారేస్తున్నారు.